შუა დერეფნის საშუალებით, საქართველოს საზღვაო პორტებში დამატებითი ტვირთი თურქმენეთიდან და

ცენტრალური აზიის სხვა ქვეყნებიდან შემოვა. შედეგად, საქართველოსა და თურქმენეთს შორის სატრანზიტო-ლოგისტიკური მიმართულებით თანამშრომლობა გაღრმავდება. რაც მთავარია, საქართველო ხელს შეუწყობს თურქმენული გაზის ტრანსპორტირება ჩვენი ქვეყნის ტერიტორიის გავლით. ესაა ის მნიშვნელოვანი ეკონომიკური გადაწყვეტილებები, რაც საქართველოს პრემიერ-მინისტრის, ირაკლი კობახიძის თურქმენეთში ოფიციალურ ვიზიტს მოჰყვება. ეკონომისტების  განცხადებით, ყველა ეს პროექტი რეალურია, რადგან აღმოსავლეთსა და დასავლეთს შორის, საქართველოს ბუნებრივი და მნიშვნელოვანი გზაჯვარედინის ფუნქცია აქვს. 

„ქართული ოცნება" მესამედ ამკაცრებს შეკრებისა და მანიფესტაციების კანონს, შეზღუდვები უკვე ტრიტუარებზეც გავრცელდება, ასევე აქციის ორგანიზატორებს აქვთ ვალდებულება გონივრულ ვადაში შეკრებასთან დაკავშირებით გააფრთხილონ როგორც მუნიციპალიტეტის მერია, ასევე პოლიციაც. ოპოზიცია პროტესტის ალტერნატიულ გზებზე საუბრობს, „ოცნებაში" კი ამტკიცებენ, რომ ეს შეზღუდვა თავად მოქალაქეების მოთხოვნა იყო, რადგან თავისუფლად გადაადგილებას ვერ ახერხებდნენ.

პოლიტოლოგი იგორ კვესელევა ფიქრობს, რომ ევროპასთან ჩვენი ურთიერთობები დამთავრდა და იმასაც არ გამორიცხავს, საქმე იქამდე მივიდეს, ევროპის ელჩებმა საქართველო დატოვონ. „რეზონანსთან" საუბრისას ის მმართველი პარტიის მიერ ბოლო პერიოდში განხორციელებულ ცვლილებებსაც შეეხო და განაცხადა, რომ გარკვეული კანონები მისაღებია.

„ფედერალისტების" ლიდერი, თამარ ჩერგოლეიშვილი ოპოზოციის წარმომადგენლებსა და ჟურნალისტებს ფეისბუქ-პოსტებით მკვეთრად უპირისპირდება. ამას საპასუხო კრიტიკული რეაქციებიც მოჰყვა და ერთმანეთის მიმართ ლანძღვა მიდის. გარდა ამისა, ჩერგოლეიშვილმა „საფარის" ხელმძღვანელ ბაია პატარაიას ცილისწამების საქმე მოუგო. პატარაია სტრასბურგის სასამართლოში ჩივილს აპირებს.

„ალდეს" პაპუაშვილის განცხადებაზე - დაეგმოთ ალეკო ელისაშვილის ქმედება - პასუხი უკვე აქვს: ევროპის ლიბერალური ძალების გაერთიანება აცხადებს, რომ არც ელისაშვილის მოქმედებას ამართლებს და არც ძალადობას, თუ მშვიდობიანი დემონსტრანტების წინააღმდეგ ქიმიური ნივთიერებების გამოყენებას ემხრობა.

ევროკავშირსა და ამერიკელ მილიარდერს შორის ურთიერთობა უკიდურესად დაიძაბა - ილონ მასკმა, არც მეტი არც ნაკლები, მთელი ევრობლოკის გაუქმება მოითხოვა მას შემდეგ, რაც ევროკომისიამ მასკის სოცმედია „იქსი" (ყოფილი ტვიტერი) 120 მილიონი ევროთი დააჯარიმა, და მზადაა მის ხელთ არსებული არც თუ უმნიშვნელო რესურსები ამ მიმართულებით გადაისროლოს.

პარლამენტმა დაჩქარებული წესით განიხილა და პლენარულ სხდომაზე მესამე მოსმენით დაამტკიცა საკანონმდებლო ცვლილებათა პაკეტი, რომლის მიხედვითაც უმაღლესი განათლების მიღების სისტემა და დაფინანსების მოდელი იცვლება. ოპოზიციაში ამბობენ, რომ ეს მთელ სექტორს ხელისუფლების მიმართ კიდევ უფრო მორჩილს გახდის, მმართველ გუნდში კი იმედოვნებენ, რომ ისტორიაში რეფორმატორების სახელით შევლენ.

საქართველოს მთავრობის გადაწყვეტილებით, არსენალის მთაზე სამთავრობო ქალაქის მშენებლობა იგეგმება, სადაც განთავსდება როგორც სამინისტროები, ასევე მერია, მთავრობის ადმინისტრაცია და საქართველოს პარლამენტი. სპეციალისტები მთავრობის ამ გადაწყვეტილებას პოზიტიურად აფასებენ, რადგან სამთავრობო ქალაქის მოწყობით, დედაქალაქი განიტვირთება, თუმცა იმავდროულად რისკებზეც ამახვილებენ ყურადღებას. ურბანისტების განცხადებით, სამთავრობო ქალაქის მოწყობა, თავისი გამართული ინფრასტრუქტურით, საკმაოდ ძვირადღირებული პროექტია, შესაბამისად, ეჭვობენ, ღირს თუ არა ამ პროექტის განხორციელება? 

დაურეგისტრირებელი მიწების საკითხი საბოლოოდ ვერ მოგვარდა, ჯერ კიდევ  გაურკვეველია, ასეთ მიწებს რა ელის და დაიკანონებს თუ არა სახელმწიფო. მთავრობამ მაქსიმალურად შეუწყო ხელი მოქალაქეებს, რათა  მიწები დაეკანონებანათ, მაგრამ პროგრამით ბევრმა მაინც ვერ და არ ისარგებლა. ამ ეტაპზე მთავრობას გადაწყვეტილი არ აქვს, რა ქმედითი ნაბიჯი გადაიდგმება დაურეგისტრირებელ მიწებთან დაკავშირებით. 

უკრაინა „მზადაა არჩევნებისთვის", ამის შესახებ უკრაინის პრეზიდენტმა ვოლოდმირ ზელენსკიმ, მას შემდეგ განაცხადა, რაც აშშ-ის პრეზიდენტმა დონალდ ტრამპმა „პოლიტიკოსთან" ინტერვიუში მაინიშნა, რომ , რომ კიევი ომს არჩევნების ჩატარების თავიდან ასაცილებლად იყენებს. რუსეთს ეს ინიციატივა მოსწონს, თუმცა ზელენსკის განცხადებამ ქვეყნის შიგნით, პოლიტიკური სპექტრის ნაწილში, უკამყოფილება გამოიწვია. ჩაატარებს თუ არა უკრაინა ომის პარალელურად არჩევენებს და რა გამოწვევები ახლავს ამ პროცესს?

ბრიუსელსა და თბილისს შორის დაძაბულობა ისევ გრძელდება, მმართველ გუნდში ამბობენ, რომ მათი როტირიკა ამერიკას გზავნილებთან თანხვედრაშია, „ოცნებაში" ამტკიცებენ, რომ ევროკავშირის ლიდერების პოლიტიკამ, ევროპა ცივილიზაციური უფსკრულის პირას მიიყვანა. როდემდე გასტანს საქართველოსა და ევროპას შორის დაძაბულობა და სად უნდა ვეძიოთ გამოსავალი, აქტუალური კითხვაა, რომელზეც ექსპერტებს განსხვავებული პასუხი აქვთ.

„გვაქვს გეგმა: კონკრეტული უწყებების შენობები შეიძლება გასხვისდეს, რათა იმავე ფასად შევძლოთ ახლის მშენებლობა",- ასე გამოეხმაურა პრემიერი, ირაკლი კობახიძე პარლამენტის, მთავრობის ადმინისტრაციისა და სამინისტროების არსენალის მთაზე გადატანასთან დაკავშირებით ბაზრის კვლევას. კობახიძემ ქვეყანაში მიმდინარე პროცესებიც განიხილა და აღნიშნა, რომ „ჩვენთან გამართული, სამართლიანი და ეფექტიანი მართლმსაჯულების სისტემა მოქმედებს".