უახლოეს პერიოდში საქართველო აზერბაიჯანიდან და სხვა ქვეყნებიდან ელექტროენერგიის იმპორტს შუამავალი კომპანიის გარეშე განახორციელებს.  მსგავსი პრაქტიკა, როდესაც ელექტროენერგიას  პირდაპირ მწარმოებლისგან ვიღებდით, უფრო ადრეც, ნაცმოძრაობის ხელისუფლებაში მოსვლამდეც არსებობდა. საშუამავლო კომპანიების გამოჩენა და დამკვიდრება მოგვიანებით, სააკაშვილის მმართველობის პერიოდში მოხდა და წლების განმავლობაში გაგრძელდა. მიუხედავად იმისა, რომ ეს ნაბიჯი ბევრისთვის პოზიტიური ცვლილებაა, ჯერ კიდევ ბუნდოვანია, რატომ შემუშავდა გეგმა კონკრეტულად ახლა და დადგება თუ არა ბიზნესის პასუხისმგებლობის საკითხი.

საქართველოს პრემიერ-მინისტრის, ირაკლი კობახიძის განცხადებით, ანაკლიის პორტში პირველი გემები 2029 წელს უნდა შემოვიდეს. ეკონომისტების შეფასებით, ეს პროგნოზი სრულიად რეალურია, რადგან ანაკლიის პორტში ამჟამად მიმდინარეობს, როგორც ტალღმტეხის მშენებლობა, ასევე დაღრმავებითი სამუშაოები. 

უკრაინის პრეზიდენტის ვოლოდიმირ ზელენსკის შეფასებით, რუსეთმა გასულ ღამეს ერთ-ერთი ყველაზე საძაგელი დარტყმა განახორციელა, რომლის სამიზნე ქვეყნის ენერგეტიკული ინფრასტრუქტურაა. უკრაინის პრეზიდენტის განცხადებას „გარდიანი" ავრცელებს. ზელენსკის ინფორმაციით, ღამის განმავლობაში პრილუკის, დნიპროს, კრემენჩიკის, ზაპორიჟიას და კიევის დაბომბვის შედეგად სულ მცირე 11 ადამიანი დაიღუპა და 34-ზე მეტი ადამიანი დაშავდა. „ეს იყო დაბადების დღის საჩუქარი პუტინისთვის", - აღნიშნა ზელენსკიმ.

ევროპარლამენტი საქართველოს საკითხზე კიდევ ერთ რეზოლუციას მიიღებს. დოკუმენტზე კენჭისყრას წინ დებატები უძღოდა, რომლის თემაც „ქართული ოცნების" მიერ საქართველოში ოპოზიციური პარტიების აკრძალვის მცდელობებია.

ევროკავშირი ძველ პოზიციას ინარჩუნებს და თბილისს კვლავ ეუბნება, რომ ქვეყანა ევროკავშირის კანდიდატი მხოლოდ ქაღალდზეა. ეს გზავნილი ბრიუსელიდან იმ ფონზე მოდის, როდესაც ერთი დღით ადრე "ოცნებაში" იმედოვნებდნენ, რომ საბოლოო ჯამში "ევრობიუროკრატებს თვალის გასწორება მოუწევთ" და საქართველოსთან მიმართებით რეალობას სხვაგვარად დაინახავდნენ.

აშშ-ის ვიცე-პრეზიდენტის, ჯეი დი ვენსის განცხადებით, ირანმა აშშ-ის მოთხოვნების დასაკმაყოფილებლად და ქვეყნებს შორის მიმდინარე ომის დასასრულებლად ურანის გამდიდრების შესაძლებლობები მნიშვნელოვნად უნდა შეამციროს.

მთავრობის გადაწყვეტილებით, 2027 წლიდან, საჯარო სექტორში დასაქმებულთა ხელფასი 10%-ის ნაცვლად, 8.4%-ით იზრდება. აქამდე საჯარო სექტორში დასაქმებულთა შრომითი ანაზღაურება ყოველწლიურად 10%-ით იზრდება, ოღონდ მხოლოდ ოთხი წლით, ანუ 2022 წლიდან მოყოლებული 2026 წლამდე. ახლა კი სხვა რეალობა დადგა.

7 ოქტომბერს ევროპარლამენტში საქართველოს შესახებ საგანგებო დებატები იგეგმება, 8 ოქტომბერს კი ამის საფუძელზე შესაბამისი რეზოლუციის მიღება. საქმე ეხება „ქართული ოცნების" საკოსნტიტუციო სარჩელს, რომელიც ხუთი ოპოზიციური პარტიის აკრძალვას ითვალისწონებს.

ოპოზიციაში შესაძლოა კიდევ ერთი დაყოფა ვიხილოთ - პროსახელისუფლებო მედიის ინფორმაციით, პარტია „ახალში" უკვე გადაწყვეტილია ორად გაყოფა და ახლა პარტიის თანათავმჯდომარეების - ნიკა გვარამიასა და ნიკა მელიას გუნდებს შორის მხოლოდ იმაზე მიდის მსჯელობა, თუ ვის დარჩება პარტიის სახელი, ლოგო და საარჩევნო ნომერი. თავად გვარამია პარტიაში რაიმე დრამატული ცვლილების არსებობას უარყოფს, თუმცა აცხადებს, რომ თუ რაიმე მოხდება, ეს საჯარო გახდება.

ექსპრეზიდენტმა მიხეილ სააკაშვილმა სამშაბათს პატიმრობიდან მორიგი განცხადება გაავრცელა, სადაც მისი „პოლიტიკური რეინკარნაციისათვის" მადლობას უხდის ბიძინა ივანიშვილს. იგი მიიჩნევს, რომ პოლიტიკოსის პატიმრობაში ყოფნა ზრდის მის პოლიტიკურ რეიტინგს და ამის მაგალითად ბრაზილიის საპრეზიდენტო არჩევნები მოჰყავს, სადაც ასევე პატიმრობაში მყოფი ექსპრეზიდენტის შვილმა მოქმედი პრეზიდენტი დაამარცხა.

დაახლოებით ერთ თვეში, 4 ოქტომბრის საქმეზე მსჯავრდებულები მურთაზ ზოდელავა და ლაშა ბერიძე, სავარაუდოდ, საპატიმროს დატოვებენ - საქართველოს პროკურატურის განცხადებით, ზოდელავამ და ბერიძემ ჩადენილი დანაშაული აღიარეს, მოინანიეს და უწყებას საპროცესო შეთანხმების გაფორმების თაობაზე შესაბამისი განცხადებებით მიმართეს. ოპოზიციის ნაწილი ზოდელავასა და ბერიძეს „ღალატში" ადანაშაულებს, ნაწილი კი მათ გადაწყვეტილებას პრაგმატულ ნაბიჯად აფასებს.