23 თებერვალს ევროკავშირის საბჭოს სამიტია დაგეგმილი, სადაც გაერთიანების წევრი ქვეყნების საგარეო მინისტრებმა რუსეთის წინააღმდეგ სანქციების მე-20 პაკეტი საბოლოოდ უნდა შეათანხმონ. მანამდე ცნობილი ხდება, რომ ჯერჯერობით კონსენსუსი არაა და რამდენიმე ქვეყანა პაკეტში გაწერილ ზოგიერთ პუნქტს არ ეთანხმება. ამ სადავო პუნქტებს შორისაა ყულევის პორტის დასანქცირებაც, რასაც, დასავლური მედიის ცნობით, არ ეთანხმებიან უნგრეთი და იტალია.

ზამთრის დასასრულის მოახლოებასთან ერთად, ქვეყანაში პოლიტიკურად აქტიური პერიოდი იწყება და ამისთვის ემზადება როგორც ხელისუფლება ისე ოპოზიცია. „ქართული ოცნება" ახალ შემზღუდავ კანონებს იღებს და ძველს ამკაცრებს, ოპოზიცია კი ახალი ერთობის შექმნას ცდილობს, რომელსაც „ლელო - ძლიერი საქართველოსთვის" უკვე გაემიჯნა, ენმ კი ჯერჯერობით ყოყმანობს.

გახარიას პარტია გამორიცხავს სხვა სხვა პოლიტიკურ ძალებთან გაერთიანებას და დამუკიდებლად აპირებს გააგრძელოს მოღვაწეობა. მათთვის წითელი ხაზია „ნაციონალური მოძრაობის" წარმომავლობის პარტიები და მისი განშტოებები. ანალიტიკოსთა ნაწილი ფიქრობს, რომ გაერთიანების შემთხვევაში პარტია ელექტორატს დაკარგავს, თუმცა არც იმ შემთხვევაში აქვს ე.წ. შუაშისტი ამომრჩევლის მოზიდვის პერსპექტივა, თუ მარტო დარჩება.

ოპოზიციაში დაწყებულ საუბარს, რომ ხელისუფლებას გადაწყვეტილი აქვს 4 ოქტომბრის აქციაზე დაკავებულებს საპროცედურო შეთანხმება შესთავაზოს, პროკურატურა გამოეხმაურა. უწყებაში გავრცელებულ „ჭორებს" უარყოფენ და ამბობენ, რომ თუ დაკავებულები მიმართავენ თხოვნით, ამ შემთხვევაში იმოქმედებენ ისე, როგორც კანონია.

„ლელო" ოპოზიციურ ერთობაზე უარს ამბობს და აგრძელებს პოზიციონირებას, როგორც დამოუკიდებელი პოლიტიკური სუბიექტი. პარტიაში მიაჩნიათ, რომ „ყველას ერთ ქვაბში მოქცევა" ალტერნატივის ხარისხს ამცირებს და „ოპონენტის ნარატივს ამარტივებს". აქვე ცნობილი ხდება, რომ პარტიის ლიდერები მამუკა ხაზარაძე და ბადრი ჯაფარიძე „ლელოს" გაძლიერებაზე მუშაობენ.

აფხაზეთში რუსეთიდან შეიყვანეს რკინიგზის ხელოსნების 4 ბრიგადა, რომელიც სოხუმი-ოჩამჩირეს სარკინიგზო მონაკვეთის აღდგენაზე მუშაობს. აფხაზური მედია წერს, რომ ამის მერე, სავარაუდოდ, ასევე გაარემონტებენ ოჩამჩირე-გალის მონაკვეთს და შემდეგ გალიდან ენგურამდე - საქართველოს კონტროლირებად ტერიტორიამდე.

„ხალხის ძალა" და კონკრეტულად მისი დეპუტატი დიმიტრი ხუნდაძე ღიად უპირისპირდება ავტოიმპორტთან დაკავშირებით მთავრობის გადაწყვეტილებს. მანამდე კი იგივე ხუნდაძემ „ქართული ოცნება" საკადრო პოლიტიკის გამო გააკრიტიკა. „ხალხის ძალა", რომელიც ძირითადად „ქართული ოცნებისგან" ფორმალურად გამოყოფილ ჯგუფს წარმოადგენს, ხელისუფლების სატელიტ პარტიად ითვლება. ხელისუფლებასთან დაპირისპირების მხრივ მათ გააქტიურებას ანალიტიკოსების სხვადასხვა მიზეზებით ხსნიან.

ევროკავშირში მომზადებულ დოკუმენტში, სადაც ჩამოთვლილია, თუ რა დათმობებზე უნდა წავიდეს რუსეთი უკრაინასთან სამშვიდობო მოლაპარაკების ფარგლებში, საქართველოს საკითხიც შეიტანეს. ეს ჯერ მხოლოდ სამუშაო ვერსიაა და მის ერთ-ერთ პუნქტში წერია, რომ რუსეთმა უნდა გაიყვანოს ჯარები საქართველოს ოკუპირებული ტერიტორიებიდან. საბოლოოდ გადაწყვეტილებას კი 23 თებერვალს ბრიუსელში საგარეო საქმეთა მინისტრების შეხვედრისას მიიღებენ.

4 ოქტომბრის საქმის პროკურორის ინფორმაციით, გარკვეულმა ბრალდებულებმა საპროცესო შეთანხმება თავად ითხოვეს და ამის თაობაზე მათთან მოლაპარაკებებები მიმდინარეობს. კონკრეტულად ვის სურს პროკურატურასთან გარიგება სასჯელის უკეთესი პირობების სანაცვლოდ და არიან თუ არა ამ სიაში ორგანიზატორები, ეს თამარ იაკობიძეს არ დაუსახელებია.

აზერბაიჯანსა და სომხეთში შეერთებული შტატების ვიცე-პრეზიდენტის ვიზიტის ფონზე, რეგიონს გაფართოების საკითხებში ევროკომისარი მარტა კოსი ეწვევა. ისევე როგორც ვენსი, ჯერჯერობით დაუდასტურებელი ცნობებით, ისიც მხოლოდ ერევანსა და ბაქოში ჩავა. ანალიტიკოსების შეფასებით, ევროკავშირის მიზანი რეგიონში ამერიკის გავლენის დაბლანსებაა.

საპარლამენტო უმრავლესობაში ამბობენ, რომ „გრანტების კანონს" ვინც დარღვევს, ყველა პასუხს აგებს. მათ შორის არ გამორიცხავენ მეხუთე პრეზიდენტზე განხორციელდეს ამ კანონით გათვალისწინებული სამართლებრივი დევნა. ანალიტიკოსთა ნაწილი ფიქრობს, რომ კანონი ყველასთვის ერთი უნდა იყოს, თუმცა სალომე ზურაბიშვილის დაჭერა ნაკლებად მოსალოდნელია, ნაწილი კი არ გამორიცხავს, რომ ეს სცენარი ერთ დღეს მართლაც ვიხილოთ.

ოპოზიციურ ჟურნალისტს, ელისო კილაძეს, რომელსაც სოცქსელებში ათეულათასიანი აუდიტორია ჰყავს და ხშირად ჩნდება ტელევიზიებში მიწვეული სტუმრის სტატუსით, პროკურატურად ბრალს სდებს ქოლცენტრების სქემაში მონაწილე დანაშაულებრივი ჯგუფის წევრობაში. მმართველ პარტიაში ამბობენ, რომ პროკურატურის ოთხშაბათის ბრიფინგი მკაფიო მაგალითია, როგორ ხდება დანაშაულის გამოძიება. ოპოზიციაში კი აცხადებენ, ქვეყანაში ისეთი ქაოსია, ელისო კილაძე კი არა, ხვალ კობახიძე რომ დააკავონ, გასაკვირი არ იქნებაო.