ოპოზიციაში დაპირისპირებამ იმდენად მწვავე ხასიათი მიიღო, რომ ამომრჩეველთა ნაწილისთვის ეს უკვე ერთ-ერთ მთავარ პოლიტიკურ თემად იქცა. ანალიტიკოსი ედიშერ გვენეტაძე „რეზონანსთან" ინტერვიუში ამ პროცესს ასე აფასებს: „ქართველ ამომრჩეველს ისღა დარჩენია, რომ პოპკორნი მოიმარაგოს, დაჯდეს და უყუროს მაგათ წეწვა-გლეჯას". მისი შეფასებით, დაპირისპირების მიზეზი განსხვავებული პოლიტიკური ხედვები კი არა მატერიალური ინტერესებია.

თბილისში, ხუდადოვის ქუჩაზე 17 წლის დავით ნარიმანიძის მკვლელობაში ბრალდებულ არასრულწლოვანს პროკურატურამ ბრალი დამამძიმებელ გარემოებაში ჩადენილი განზრახ მკვლელობისთვის წარუდგინა. გამოძიების ცნობით, დაბადების დღეზე სადღეგრძელოს გამო დაწყებული დაპირისპირება დანით სასიკვდილო ჭრილობების მიყენებით დასრულდა. სავარაუდო დამნაშავე დაკავებულია.

ოპოზიციაში ყოფილ თანამებრძოლებს შორის დაპირისპირება მწვავე ფაზაში გადადის - ენმ-სა და „ახალს" შორის პოლიტიკური უთანხმოება უკვე ღია ვერბალურ ომად გადაიქცა. ნიკა გვარამიასა და ანა წითლიძის ბოლო განცხადებებმა კიდევ ერთხელ აჩვენა, რომ ორ პოლიტიკურ ძალას შორის დიდი ბზარია გაჩენილი. დაპირისპირება ერთმანეთის პოლიტიკური რეპუტაციის შელახვამდეც მივიდა.

ოკუპირებულ აფხაზეთში ოქტომბერში მასშტაბური ოპერატიულ-ტაქტიკური სამხედრო წვრთნები იგეგმება. ე.წ. პრეზიდენტ ბადრა გუნბას მიერ დამტკიცებულ სწავლებაში ჩაერთვება არტილერია, ავიაცია, ჯავშანტექნიკა და რადიოელექტრონული ბრძოლის საშუალებები. ადგილობრივი მედია პროცესს გეგმურ, თავდაცვით ვარჯიშად წარმოაჩენს, ხოლო უსაფრთხოების სფეროს ექსპერტ ვახტანგ მაისაიას შეფასებით, ჰაერსაწინააღმდეგო კომპონენტის არსებობის შემთხვევაში, მანევრები შესაძლოა უკრაინული დრონებისგან თავდაცვას უკავშირდებოდეს.

მსოფლიო სანავთობო ბაზარზე ნავთობის შეუქცევადი გაძვირება დაწყო. 1 ბარელის ღირებულებამ 107 დოლარს გადააჭარბა, რაც გლობალური ეკონომიკისთვის სერიოზულ განგაშის სიგნალს წარმოადგენს. ცხადია, ენერგომატარებლების მკვეთრი გაძვირება აუცილებლად გამოიწვევს ჯაჭვურ რეაქციას. გაზრდის სატრანსპორტო და ლოგისტიკურ ხარჯებს, გააძვირებს პირველადი მოხმარების პროდუქციას და კიდევ უფრო დამძიმდება თითოეული ადამიანის საყოფაცხოვრებო პირობები. 

არც ისე დიდი ხნის წინ, სახელმწიფო უსაფრთხოების სამსახურისა და შინაგან საქმეთა სამინისტროს ერთობლივი ღონისძიების შედეგად, მესტიაში, ექვსი სხვადასხვა ადგილიდან, 212 მაინერი ამოიღეს. ამის მიუხედავად, „ჰოტელ მაუნთინ მესტიას“ მფლობელი აცხადებს, რომ მაინერებთან ბრძოლას შედეგი არ მოჰყოლია, რადგან ზემო სვანეთს დენი კვლავ შეფერხებებით მიეწოდება. „რეზონანსმა“ ეს ინფორმაცია მესტიის მუნიციპალიტეტსა და სხვა სასტუმროების მფლობელებთანაც გადაამოწმა და ურთიერთასწინააღმდეგო სურათიც დაიხატა.

პრემიერი ირაკლი კობახიძე პარიზში კოსმოსის საკითხებზე გამართულ პირველ საერთაშორისო სამიტს დაესწრო. სამიტი საფრანგეთისა და გერმანიის თანათავმჯდომარეობით გაიმართა და მისი მთავარი თემები მეცნიერება, კვლევა, უსაფრთხოება და თავდაცვაა. კობახიძე საფრანგეთში ემანუელ მაკრონის მიწვევით ჩავიდა და ვიზიტის ფარგლებში სამიტის მონაწილე ლიდერების პატივსაცემად ელისეს სასახლეში გამართულ ოფიციალურ მიღებასაც დაესწრო.

ამერიკული ძალები მიერ ხუთი ირანული ნავთობტანკერის განადგურების საპასუხოდ ირანის ისლამური რევოლუციის გუშაგთა კორპუსმა იორდანიაში, აშშ-ის სამხედრო ბაზებს შეუტია. მსხვერპლის შესახებ ინფორმაცია არ ვრცელდება, თუმცა ამერიკული მედიის ცნობით,მუვაფაკ სალტის საჰაერო ბაზაზე რვა ფ-15 გამანადგურებელი მსუბუქად დაზიანდა, კიდევ ერთ თვითმფრინავს კი ფრთა მოწყდა. ამერიკულებს ირანული თავდასხმის მოსაგერიებლად 30-ზე მეტი „პატრიოტი" დასჭირდათ, რის გამოც აშშ-ის ოფიციალური პირები შეშფოთებას გამოთქვამენ ამ ანტისაჰაერო რაკეტებისა და სხვა ტიპის მაღალტექნოლოგიური საბრძოლო მასალის მარაგების სწრაფად შემცირების გამო.

თბილისის საქალაქო სასამართლოში ახალგაზრდა მასწავლებლის, გიგა ავალიანის მკვლელობის საქმეზე დაკავებული არასრულწლოვნების წინასასამართლო სხდომა გაიმართა. პროკურატურის მტკიცებით, მოპოვებული მიმოწერა და ფარული ჩანაწერები ნია იმნაძის მხრიდან დანაშაულის წაქეზებას ადასტურებს, ხოლო დაცვის მხარის განცხადებით, ბრალდება სრულიად უსაფუძვლოა და საქმეში რაიმე მტკიცებულება საერთოდ არ არსებობს. დაკავებული მოზარდი პატიმრობაში რჩება.

ოპოზიციური გაერთიანებების იდეა კვლავ ბრუნდება - ინიციატივა ოპოზიციაში ერთობის ახალი ფორმულის ძიებას უკავშირდება, განსაკუთრებით იმ ფონზე, როცა წინა გაერთიანებებმა ხანგრძლივი და სტაბილური თანამშრომლობა ვერ უზრუნველყო და ოპოზიციური ძალები კვლავ ცალ-ცალკე აგრძელებენ პოლიტიკურ საქმიანობას. მეტიც, ასეთი მცდელობების მერე ოპოზიციურ ძალებს შორის დაპირისპირება არა თუ შემცირდა, არამედ კიდევ უფრო გაღრმავდა - ლიდერები ერთმანეთის საჯარო კრიტიკასა და ლანძღვაზეც გადავიდნენ, რაც განსაკუთრებით ბოლო ალიანსის მაგალითზე გამოჩნდა.

საქართველოს ყოფილმა გენერალურმა პროკურორმა, ოთარ ფარცხალაძემ რუსეთში ქვედანაყოფი „გეორგიევსკი" ჩამოაყალიბა და „ქართული ლეგიონი" სამხედრო დამნაშავეებად გამოაცხადა. ექსპერტ მამუკა არეშიძის შეფასებით, რუსეთის მხარეს ასეთი რაზმის შექმნა „ამორალური მკრეხელობაა". რუსეთის მხარეს მებრძოლ ქართველებზე საუბრისას არეშიძე ამბობს, რომ მათი რაოდენობა ბევრად მცირეა, ვიდრე იმ ქართველებისა, რომლებიც უკრაინის მხარეს იბრძვიან.

თბილისში, საცხოვრებელი ფონდის 70% ამორტიზებულია, რაც სერიოზულ პრობლემას ქმნის. ავარიული ბინები მოსახლეობას საფრთხეს უქმნის, რადგან დიდი ალბათობით, სხვადასხვა სტიქიურ მოვლენებს ვერ გაუძლებს. როგორ უნდა მოვაგვაროთ პრობლემა? ამ კითხვაზე კონკრეტული პასუხი არ არსებობს და შესაბამისად, სპეციალისტების აზრიც ორად გაიყო.