4 ოქტომბერი და მშვიდობიანი რევოლუციის მოწყობა ისევ განხილვის ეპიცენტრშია. რუსთაველის გამზირის ლიდერი პაატა ბურჭულაძე ამ დღეს ეროვნული კრების გამართვას აანონსებს და ხალხს რუსთაველზე გამოსვლისკენ მოუწოდებს. მმართველი პარტიის რიტორიკა უცვლელია: ამბობენ, რომ მშვიდობიანი რევოლუცია არ არსებობს და ვინც კანონის წინააღმდეგ წავა, მკაცრად დაისჯება.

პრეზიდენტი მიხეილ ყაველაშვილის გადაწყვეტილება „ლელოს" ლიდერების, მამუკა ხაზარაძისა და ბადრი ჯაფარიძის შეწყალებაზე, პოლიტიკური დღის მთავარ თემად იქცა და ოპოზიციაში ურთიერთსაპირისპირო შეფასებები გამოიწვია. ნაწილი ამ ნაბიჯს პოზიტიურად აფასებს, სხვები კი ხელისუფლების მხრიდან ოპოზიციის დასუსტების მორიგ მანევრად მიიჩნევენ. არაერთგვაროვნება იყო თავად „ლელოს" რიგებშიც კი. ელისაშვილმა ამ ჟესტს, არც მეტი არც ნაკლები, ჩათლახობა უწოდა.

ბოიკოტის მომხრე ოპოზიციონერები დარწმუნებულები არიან, რომ 4 ოქტომბერს იზეიმებენ, რადგან „ქართულ ოცნებას" საბოლოოდ დაამარცხებენ. ანალიტიკოსები ძალიან სკეპტიკურად უყურებენ მათ გეგმებს და ამბობენ, რომ გაუგებარია, რატომ აკეთებენ ამას, რადგან საზოგადოებრივი განწყობა ამის საფუძველს არ იძლევა.

მთავრობის მეთაურმა ირაკლი კობახიძემ ხუთშაბათს „ექსპო ჯორჯიაში" თბილისის მერის პრეზენტაციის შემდეგ ჟურნალისტებთან გარე ჩარევებზე ისაუბრა და განაცხადა, რომ „საქართველოში ვერავინ მივა სამოქალაქო რეესტრში და ვერავინ გადაკეთდება კაცად თუ ქალია, ან პირიქით". ასევე აღნიშნა, რომ თბილისის მერობის კანდიდატს, კახა კალაძეს ქალაქთან დაკავშირებით „შთამბეჭდავი გეგმები" აქვს.

3 სექტემბერს, მელიქიშვილის გამზირზე „ოცნების" შტაბთან მომხდარი დაპირისპირება კვლავ განხილვის ეპიცენტრშია. მმართველი პარტიის წარმომადგენლებს შტაბის დატოვება ხმაურისა და შეძახილების ფონზე მოუწიათ. „ოცნებაში" ინციდენტს ოპოზიციურ „ტიტუშკებსა" და „ორკებს" აბრალებენ, აანონსებებენ, რომ ყველას საკადრისი პასუხი გაეცემა.მაშინ როცა ოპონენტთა ნაწილი აცხადებს, რომ ეს მხოლოდ დასაწყისია და მმართველი ძალის კაპიტულაცია 4 ოქტომბერს დასრულდება. რა განცხადებები გაკეთდა და როგორია შეფასებები?

„ოცნებამ"„ნაცმოძრაობის" აკრძალვა ჯერ კიდევ გასული წლის სექტემბერში დააანონსა, თუმცა ამა წლის აპრილში ინიციატივა ცოტა ხნით გადაავადა და განაცხადა, რომ მმართველი გუნდი ენმ-სა და „მასთან დაკავშირებული პარტიების" გაუქმების მოთხოვნით საკონსტიტუციო სასამართლოს თვითმმართველობის არჩევნების შემდეგ მიმართავს. ანალიტიკოსების ცნობით, ახლა ასეთი ინიციატივა რომც იყოს, წულუკიანის საგამოძიებო კომისიის დასკვნის საფუძველზე, პარტიის აკრძალვა 4 ოქტომბრამდე მაინც ვერ მოესწრება

„ევრობარომეტრის" გამოკითხვით, ევროკავშირის წევრი ქვეყნების მოსახლეობის თითქმის ნახევარი (46%) მხარს უჭერს საქართველოს ევროკავშირში გაწევრიანებას მოთხოვნების დაკმაყოფილების შემთხვევაში, ხოლო 43% ამის წინააღმდეგია. ჩვენი ევროკავშირში გაწევრიანების მომხეთა ყველაზე მაღალი მაჩვენებელი შევედეთში დაფიქსირდა, დაბალი კი ავსტრიასა და ჩეხეთში.

სუსი- ს უფროსად მამუკა მდინარაძე ოფიციალურად დაინიშნა. მის კანდიდატურას ოთხშაბათის პლენარულ სხდომაზე უყარეს კენჭი. სახელმწიფო უსაფრთხოების სამსახურში საკუთარი გუნდით აპირებს მისვლას. მდინარაძემ ბრიფინგზე სხვა საკითხებთან ერთად ოპოზიციის გეგმებზეც ისაუბრა და აღნიშნა, რომ ამ თემაზე სერიოზულად ლაპარაკი შეუძლებელია.

მოძრაობა „რუსთაველის გამზირის" ლიდერი პაატა ბურჭულაძე ბოლო რამდენიმე ხანია 4 ოქტომბრის მნიშვნელობაზე საუბრობს და ეროვნულ შეკრებას აანონსებს. როგორც მან განაცხადა, ხელისუფლების დასამხობად ორი მილიონი მოსაწვევი უკვე შეკვეთილია. ანალიტიკოსთა ერთი ნაწილი ამას სერიოზულად ვერ აღიქვამს, მეორე მხარე კი ფიქრობს, რომ იქამდე ოპოზიციას სამუშაო აქვს.

საშემოდგომო სესიის გახსნისთანავე, დეპუტატები პარლამენტის დროებითი საგამოძიებო კომისიის მიერ მომზადებულ დოკუმენტს გაეცნენ. საბოლოო დასკვნის ძირითადი მიმართულებები და აქცენტები კომისიის თავმჯდომარემ, თეა წულუკიანმა გააცნო თანაგუნდელებს. დოკუმენტი 460 გვერდიანია, სადაც წულუკიანის თქმით, აღწერილია, "ნაციონალური მოძრაობის" მმართველობის დროს ადამიანის უფლებების დარღვევისა და სიცოცხლის ხელყოფის ფაქტები, ციხეებში არსებული მდგომარეობა,ზეწოლა მედიაზე, ბიზნესის რეკეტი, პირადი თვალთვალი და ა.შ.

პარლამენტმა პარტია „გახარია საქართველოსთვის"-ის 12 წევრის უფლებამოსილება ცნო. ოპოზიციაში კვლავ განხილვის ეპიცენტრშია გახარიას განცხადება, რომ მანდატების არ გამოყენება შეცდომა იყო. ბოიკოტში მყოფი ოპოზიციონერები აცხადებენ, რომ თუ გახარიას გუნდი პარლამენტში შევა, ღალატი არ ეპატიებათ, მაშინ, როდესაც მმართველ პარტიაში მის სავარაუდო გადაწყვეტილებას მიესალმებიან. ვიხილავთ თუ არა ექპრემიერის პარტიას საპარლამენტო ტრიბუნაზე,ჯერ კიდევ კითხვის ნიშნის ქვეშაა.

პრემიერ-მინისტრი ევროკავშირთან დიალოგის საჭოროებაზე მიანიშნებს, ირაკლი კობახიძე ამბობს, რომ ევრობლოკმა უნდა დაასაბუთოს, რომ "მოთხოვნები არის გონივრული" და მმართველი პარტია "ყველას შეასრულებს". მთავრობის მეთაური ევროკავშირს საბჭოურ მიდგომაში ადანაშაულებს, რომ "ხელების გაგრეხვით ცდილობენ აიძულონ" რამის გაკეთება.