ევროკავშირის უმაღლესი წარმომადგენლის, კაია კალასის კრიტიკულმა განცხადებამ საქართველოს ხელისუფლების მისამართით პოლიტიკური დაპირისპირება კიდევ უფრო გაამწვავა - ბრიუსელი დემოკრატიასა და მედიაზე ზეწოლაზე საუბრობს, „ქართული ოცნება" კი ევროკავშირს საბჭოთა კავშირს ადარებს და ურთიერთობის ჩიხში შესვლაში ევროპულ ბიუროკრატიას ადანაშაულებს. მმართველ გუნდში აცხადებენ, რომ დიალოგისთვის მზად არიან და ევროკავშირში გაწევრიანება კვლავ გაცხადებულ მიზნად რჩება- რას ითხოვს ბრიუსელი და რა ცვლილებებს ელოდება „ქართული ოცნება" ევროკავშირის დამოკიდებულებაში.

"ქართული ოცნება" "ცარიელ პროპაგანდისტულ" მესიჯებს უწოდებს ევროკავშირის საბჭოს თავმჯდომარეობის მიერ გაფართოებასთან დაკავშირებით გამოტანილ დასკვნაში საქართველოზე გაკეთებულ აქცენტებს. მმართველი პარტია ამბობს, რომ ევროკავშირისგან ასეთი დამოკიდებულება მათთვის მიუღებელია. ოპოზიციაში კი ამბობენ, რომ ევროსტრუქტურები ვალდებულები არიან შეაფასონ კანდიდატ ქვეყანაში არსებული ვითარება, დოკუმენტი რეალობას აღწერს და "ამ შეფასებებში არაფერი უცნაური არაა.

საქართველოს მთავრობის მეთაური აშშ-ს კვლავ სთავაზობს ურთიერთობის სუფთა ფურცლიდან დაწყებას - ირაკლი კობახიძე გულისხმობს სტრატეგიული პარტნიორობის განახლებას "კონკრეტული გზამკვლევით", სადაც ასახული იქნება "ორმხრივი სარგებელი". თუმცაღა, ჯერ აშშ-სგან შემხვედრი ნაბიჯები არ ჩანს, არც მათ შორის საელჩოს დონეზე.

„ბიბისის" გახმაურებულ სიუჟეტთან დაკავშირებით პარლამენტში საგამოძიებო კომისიის შექმნაზე გადაწყვეტილება სამშაბათს უნდა მიეღოთ, თუმცა ეს 17 დეკემბრისთვის გადაიდო. ოპოზიცია ფიქრობს, რომ მმართველმა პარტიამ მიზანმიმართულად შეარჩია ამ თემის განხილვისათვის ზამთრის საპარლამენტო სესიის ბოლო დღე, რათა ეს საკითხი „ჩაფარცხოს". ამასთან, საქართველოს ხელისუფლება აგრძელებს „ბიბისის" წინააღმდეგ სარჩელზე მუშაობას და პარალელურად გაირკვა, რომ აშშ-ის პრეზიდენტი დონალდ ტრამპი ასევე უჩივის „ბიბისის" ცილისწამებისათვის.

ოპოზიციაში კვლავ დაპირისპირებაა - პარტიების ნაწილის მხრიდან დიდი უკმაყოფილება მოყვა ენმ-ის წევრის ლევან სანიკიძის განცხადებას, რომ ქართული პოლიტიკა 13 წელია „ნაციონალური მოძრაობის" გარშემო ტრიალებს და სხვა ოპოზიციურ პარტიებს საკუთარი იდენტობა თითქმის არ აქვთ. საინტერესოა, რომ ასეთ შეფასებას „ოცნებაში" ეთანხმებიან.

ბოლო ორ კვირაში რუსეთის საგარეო საქმეთა სამინისტრომ ორი განცხადება გააკეთა საქართველოსთან ურთიერთობის აღდგენის თემაზე. 3 დეკემბერს სერგეი ლავროვის უწყება აცხადებდა, რომ აფხაზეთთან და ე.წ. სამხრეთ ოსეთთან დაკავშირებით ოფიციალური თბილისის პოზიციის გამო, დიალოგის განახლებისთვის არანაირი წინაპირობა არ არსებობს. 16 დეკემბერს კი იგივე უწყება აცხადებს, რომ „რუსეთი სერიოზულადაა მომართული საქართველოსთან ურთიერთობების ნორმალიზებისთვის" და ამ განცხადებაში ოკუპურებული ტერიტორიები უკვე აღარაა ნახსენები.

ევროკომისარი გაფართოების საკითხებში მარტა კოსი იმედს გამოთქვამს, რომ საქართველოს ხელისუფლება ევროპულ გზას დაუბრუნდება. განცხადებას "ოცნებაში" თვალთმაქცობას უწოდებენ, ოპოზიციაში კი მიაჩნიათ, რომ კოსის გზავნილი პირდაპირი ნიშანია, რომ ქვეყანას ევროკავშირში ინტეგრაციის რეალური შანსი კიდევ აქვს.

ყოფილი პრემიერის, გიორგი გახარიას პარტიაში აცხადებენ, რომ სამი ოპოზიციური ძალიდან, აკრძალვის საფრთხე ყველაზე ნაკლებად "ნაციონალურ მოძრაობას" აქვს, მეტიც, ფიქრობენ, რომ ენმ "ოცნებას" "ასაზრდოებს" და "შესაძლოა გააძლიერონ" კიდეც. "ქართულმა ოცნებამ" შესაბამისი სარჩელი საკონსტიტუციო სასმართლოში ოქტომბრის ბოლოს შეიტანა, სასამართლოს კი განხილვის 9-თვიანი ვადა აქვს.

ოპოზიციაც და ხელისუფლებაც „ბოლომდე" ბრძოლის გზას ადგას - პერმანენტული ქუჩის აქციების პარალელურად, „ოცნება" კანონებს ეტაპობრივად ამკაცრებს. ოპოზიციაში უკვე ღიად დაიწყეს საუბარი იმაზე, რომ მათმა მიდგომამ არ გაამართლა. ანალიტიკოსები „რეზონანსთან" ასეთი ხისტი მიდგომების მიზეზებსა და შესაძლო შედეგებზე საუბრობენ და ბელარუსის მოვლენებთან ავლებენ პარარელს.

12 დეკემბერს სოხუმში გამართულმა დე ფაქტო მინისტრთა შეხვედრამ აფხაზურ საზოგადოებაში დიდი ვნებათაღელვა და პანიკა გამოიწვია. საუბარია რუსეთში მყოფი აფხაზი ახალგაზრდების სამხედრო აღრიცხვაზე აყვანის შესახებ, რაც თეორიულად შეიძლება ნიშნავდეს შემდგომში მათ გაწვევას რუსულ არმიაში და უკრაინაში საომრად გაგზავნას. თბილისში მიიჩნევენ, რომ შესაძლოა ეს პროცესი ახლა იწყება და დე ფაქტო ხელისუფლებამ მიზანმიმართულად გაახმაურა, რათა მოსკოვის ეს გეგმა ჩავარდეს.

18-19 დეკემბრის ევროპელი ლიდერები ბრიუსელში ევროპული საბჭოს სამიტზე შეიკრიბებიან. მთავარი განსახილველი საკითხებია ბლოკის გაფართოება, უკრაინა და ევროკავშირის უსაფრთხოება. ამასთან, მედიაში გაჟონა ინფორმაციამ, რომ ევროკავშირი გაფართოების პროცედურის გამარტივებასაც განიხილავს, რათა უკრაინა ბლოკში დაჩქარებულად, 2027 წლის 1-ლ იანვრამდე მიიღოს. რამდენად რეალისტურია ეს გეგმა და შეეხება თუ არა ის ევროკავშირის წევრობის სხვა კანდიდატ ქვეყნებს და მათ შორის საქართველოს, ჯერჯერობით გაურკვეველია.

მმართველ პარტიაში ამბობენ, რომ პრემიერმა თურქმენეთის ფორუმზე ოკუპაცია ახსენა იმ „სიღრმით და ხარისხით", რაც საჭირო იყო სათქმელიად. ამით „ოცნება" ეხმიანება ოპოზიციის მწვავე კრიტიკას, სადაც აცხადებენ, რომ ირაკლი კობახიძემ აშხაბადში ვლადიმერ პუტინის თანდასწრებით რუსეთი, როგორც ოკუპანტი არ ახსენა.