საერთაშორისო ბირჟებზე, ნავთობის ფასი მკვეთრად დაეცა. 1 ბარელი „ბრენტი“ 100 დოლარი ჩამოსცდა, ხოლო ამერიკული ნავთობი - 90 დოლარამდე გაიაფდა. სპეციალისტების შეფასებით, ფასების ვარდნა „აქსიოსის“ ინფორმაციას მოჰყვა, რომლითაც ვაშინგტონი და თეირანი ომის დასასრულებლად შეთანხმებაზე მუშაობას ასრულებენ. მართალია, აშშ-ის მაღალჩინოსნების განცხადებები კონფლიქტის დასრულებასთან დაკავშირებით, დამაიმედებელია, მაგრამ ქართველი ანალიტიკოსების აზრი მაინც ორად გაიყო: ერთი ნაწილი მიიჩნევს, რომ ასეთი განცხადებები ომის დაწყებიდან დღემდე ბევრი გვინახავს, ხოლო მეორე ნაწილის აზრით, ირანის კონფლიქტი უკვე ფინალურ ფაზას მიუახლოვდა. 

მომხმარებელთა უფლებების დარღვევის ფაქტები სარძნობლად გახშირდა. პრობლემა  განსაკუთრებინ ონლაინ გაყიდვებს ეხება - უმეტესი ნაწილი შეძენილი პროდუქტის ხარისხს, ზოგ შემთხვევაში გარანტიებსა და არსებული ვალდებულებების შეუსრულებლობას. შესაბამისად, უკმაყოფილო მოქალაქეების საჩივრების რაოდენობაც გაიზარდა. სპეციალისტების შეფასებით, ეს, ერთი მხრივ, მომხმარებლების ცნობიერების ამაღლებასაც უკავშირდება.

ირანსა და ახლო აღმოსავლეთში მიმდინარე საომარმა მოქმედებებმა საქართველოს სტრატეგიული როლი კიდევ უფრო მეტად გამოკვეთა. ჰორმუზის სრუტის ჩაკეტვის გამო, დღის წესრიგში დადგა შუა დერეფნის, როგორც ყველაზე უსაფრთხო და სტრატეგიული ალტერნატივის მნიშვნელობა ტვირთების გადაზიდვის მხრივ. საქართველო კი შუა დერეფნის ერთ-ერთი, მნიშვნელოვანი ქვეყანაა. სწორედ ამ კონტექსტში უნდა განვიხილოთ ის ფაქტი, რომ დამოუკიდებელი საქართველოს ისტორიაში პირველად, „საქართველოს რკინიგზა“ მოძრავი შემადგენლობის მასშტაბურ განახლებას იწყებს. პროექტის ფარგლებში, კომპანია 50-მდე ლოკომოტივსა და 1 500 ვაგონს შეიძენს, რისთვისაც შესყიდვის პროცედურები უკვე დაწყებულია.

ინფლაცია ორწლიან მაქსიმუმზეა და მიზნობრივ მაჩვენებელს უკვე 2-ჯერ აჭარბებს. ყველაზე სავალალო ისაა, რომ ძვირდება ძირითადი პროდუქტების ჯგუფი, რაც მოქალაქეებს ყოველდღიურ ცხოვრებას უძნელებს. ბოლო ერთ თვეში ფასები გაზრდილია  საწვავზე, კომუნალურ გადასახადებსა და პირველადი მოხმარების სურსათზე, რომელიც მთავარი მიმართულებებია. ტენდენცია, სავარაუდოდ, გაგრძელდება და უკვე წლის ბოლოს ინფლაციამ მიზნობრივს 2,5-ჯერ და მეტადაც შეიძლება გადააჭარბოს. 

უცხოელ გიდებს ჯგუფური ტურები აეკრძალათ. ახალი კანონმდებლობა ძალაში პირველი მაისიდან შევიდა, რომლის მიხედვითაც, შრომითი საქმიანობის დაწყებამდე აუცილებელია შესაბამისი უფლების მიღება, რომელსაც დასაქმების ხელშეწყობის სააგენტო გასცემს, თუმცა განსაზღვრულია ლიმიტები. კანონის დარღვევის შემთხვევაში ისინი დაჯარიმდებიან. სფეროს სპეციალისტები მიესალმებიან ახალი რეგულაციების შემოღებას, მაგრამ მიიჩნევენ, რომ აუცლებელია კანონპროექტში ჩადებული იყოს აღსრულების მექანიზმები, წინააღმდეგ შემთხვევაში მისი ეფექტურობა კითხვის ნიშნის ქვეშ დადგება.

სავაჭრო ქსელები ფასების საგრძნობ შემცირებას იწყებენ. განისაზღვრა ,,საოჯახო კალათა", რომლის ფარგლებშიც ,,რითეილ ასოციაციის“ წევრებმა იმ პროდუქტების იდენტიფიცირება დაიწყეს, რომლებზეც მუდმივ რეჟიმში განსაკუთრებული შეთავაზებები გავრცელდება. გადაწყვეტილება სპეციალისტების მხრიდან უმეტესად დადებითად ფასდება, თუმცა საუბარია იმაზეც, რომ ცვლილება ადრეც შესაძლებელი იყო, სანამ სექტორის წარმომადგენლებს კუთხეში მიიმწყვდევდნენ. ყოველ შემთხვევაში, მაშინ ფასის მდგენელი ყველა პარამეტრი მეტნაკლებად მწყობრში იყო: საწვავიც უფრო იაფი ღირდა და გადაზიდვების ტარიფიც, ლარის კურსის სტაბილურობის კუთხითაც პრობლემა არ შეინიშნებოდა.

ნავთობპროდუქტები მსოფლიო ბაზარზე გაძვირებას აგრძელებს, საქართველოში ჯერ კიდევ გაურკვევლობაა. ამასობაში ფასების შემსწავლელმა საპარლამენტო კომისიამ მუშაობა დაასრულა. მოსალოდნელია, რომ კორექცია მოხდება, თუმცა რა ცვლილება შეიძლება განხორციელდეს სექტორში ვერ აკონკრეტებენ. ჯერ გაიაფება გამორიცხულია, მაგრამ ბიზნესი ცდილობს, რომ როგორმე არსებული ფასი შეინაჩუნოს. ყველაფრის მიზეზი კი ახლო აღმოსავლეთში მიმდინარე მოვლენებია. 

2026 წლის მარტში, ბოლო 14 თვის მანძილზე პირველად, ორნიშნა ეკონომიკური ზრდა დაფიქსირდა. სტატისტიკის სახელმწიფო სამსახურის - „საქსტატის“ ინფორმაციით, 2026 წლის მარტში, წინა წლის ანალოგიურ პერიოდთან შედარებით, რეალური მშპ-ს ზრდა 10.7%, ხოლო პირველი კვარტლის საშუალო რეალური ზრდა - 9.1% იყო. ეკონომისტებისა და დარგის სპეციალისტების განცხადებით, გლობალური ეკონომიკური შოკის, გეოპოლიტიკური დაძაბულობისა და მაღალი გაურკვევლობის ფონზე, საქართველოს ეკონომიკამ მაღალი ტემპი შეინარჩუნა. 

"ახალგაზრდა ფინანსისტთა და ბიზნესმენთა ასოციაცია" - აფბა ყურადღებით აკვირდება ნათია ჯანაშიას და დავით ცეცხლაძის მცდელობას, ხანგრძლივი დუმილის შემდეგ ღიად დაიწყონ საუბარი მათ მიერ ლონდონის სასამართლოში შეტანილი სარჩელის დეტალებზე და მოუწოდებს მათ უფრო მეტი საჯაროობისკენ. საკითხი შეეხება "ბრიტანულ-ქართული აკადემიის" გარშემო განვითარებულ დავას, რომელიც ყოფილმა დირექტორმა ნათია ჯანაშიამ აკადემიის მაჟორიტარი აქციონერის - "საქართველოს განათლების ჯგუფის“ წინააღმდეგ ლონდონის სასამართლოში წამოიწყო. დავის საზოგადოებრივი მონიტორინგით „აფბაა“ დაკავებული და საზოგადოების ინფორმირებას პროცესების განვითარების კვალდაკვალ ახდენს.

ახლო აღმოსავლეთის კონფლიქტის გამო, ლოგისტიკური მიმართულება მნიშვნელოვნად დაზარალდა. მართალია, უშუალოდ გადაზიდვების კუთხით პრობლემა არ არის, მაგრამ ტარიფები მკვეთრად გაიზარდა, რაც კონკრეტულად ნავთობის გაძვირებას უკავშირდება. საფასო ცვლილება შეეხო როგორც საჰაერო და საზღვაო, ისე სახმელეთო გზით ტვირთის გადაზიდვას, რაც, თავის მხრივ, იმპორტირებული პროდუქტის ფასზე აისახება.

ირანსა და ახლო აღმოსავლეთში მიმდინარე კონფლიქტი გლობალურ ფარმაცევტულ ბაზარსაც სერიოზულ პრობლემებს უქმნის. იმის გამო, რომ ჰორმუზის სრუტე ჩაკეტილია, სპარსეთის ყურიდან წამლების მთავარი ნედლეულის - ნავთობქიმიური პროდუქტების ექსპორტი შეფერხდა, გაორმაგებულმა ლოგისტიკურმა ხარჯებმა კი პირველადი მოხმარების მედიკამენტები უკვე გააძვირა. „რეზონანსი“ დაინტერესდა, როგორ აისახება ეს საქართველოს ფარმაცევტულ ბაზარზე, რომელიც ბევრი სხვა დარგის მსგავსად, ძირითადად, იმპორტზეა დამოკიდებული და გაიზრდება თუ არა ისედაც კატასტროფულად გაძვირებული მედიკამენტების ფასი?

სანავთობო ბაზრებზე დიდი დაძაბულობაა და კრიზისის დაძლევა ვერ ხერხდება. „გოლდმან საქსის“ ანალიტიკოსების პროგნოზით, მიმდინარე წლის მეოთხე კვარტალში, ნავთობის საშუალო ფასი ბარელზე 80-დან 90 აშშ დოლარამდე გაიზრდება. მიზეზი ირანსა და ახლო აღმოსავლეთში მიმდინარე კონფლიქტის გამო დაკეტილი ჰორმუზის სრუტეა. მდგომარეობა არც ისე სახარბიელოა, თუმცა ქართველი სპეციალისტები აცხადებენ, რომ საქართველოში დეფიციტი არ გველის. რაც შეეხება საწვავის ფასს, რასაკვირველია, ეს დამოკიდებულია იმაზე, რამდენად მალე მოგვარდება კონფლიქტი.