ტურისტული ინდუსტრია ვითარდება, მაგრამ მოსახლეობის კეთილდღეობაზე დიდად არ აისახება. საკურორტო ზონებში მცხოვრებთა ის კატეგორია, რომელიც ტურისტულ ბიზნესთან დაკავშირებული არ არის, პრობლემებს განიცდის იმის გამო, მისთვის ფასები უმართებულოდ მატულობს და ცხოვრება უძვირდება. როგორც სპეციალისტები აცხადებენ, ამის მიზეზია ტურისტულ რეგიონებში პარალელური საქმიანობების დეფიციტი, რის გამოც ხალხს  სხვა ალტერნატივა არ აქვს.  მათთვის ცხოვრება იმაზე მეტად ძვირდება, ვიდრე თბილისსა და სხვა რეგიონებში მცხოვრებლთათვის,  რაც დიდი პრობლემაა. 

ხვალ საქართველოში თვითმმართველობის არჩევნები ჩატარდება. დაახლოებით ორი კვირის წინ, პრემიერ-მინისტრთან შეხვედრაზე მყოფმა სხვადასხვა ბიზნესის წარმომადგენლებმა განაცხადეს, რომ 4 ოქტომბრის მოახლოების გამო კერძო სექტორი რაიმე საფრხეს ვერ გრძნობს. `რეზონანსი” შეეცადა გაერკვია, რა მდგომარეობაა არჩევნებამდე 1 დღით ადრე და რა მოლოდინი აქვთ ბიზნესმენებს. 

2025 წელს ლარის მიმოქცევაში შესვლიდან 30 წლის იუბილე აღინიშნება. ლარი ქვეყნის ეროვნულ ვალუტად 1995 წლის 25 სექტემბრიდან შემოიღეს, ხოლო ამავე წლის 2 ოქტომბრიდან ქვეყნის მთელ ტერიტორიაზე ერთადერთ კანონიერ საგადამხდელო საშუალებად გამოცხადდა. ფინანსისტებმა ეროვნული ვალუტის განვილი 30 წელი შეაფასეს და ასევე მის განსაკუთრებულ როლზეც ისაუბრეს. 

დიდი ცვლილება სამედიცინო ბაზარზე - სპეციალურ კონტროლს დაქვემდებარებული ფარმაცევტული პროდუქტის, მათ შორის ფსიქოტროპული მედიკამენტების საბითუმო რეალიზაციას მხოლოდ სახელმწიფო განახორციელებს. მთავრობას იმედი აქვს, რომ ამ გზით ე.წ. სააფთიაქო ნარკომანიის რისკი შემცირდება, რასაც ჯანდაცვის სფეროს სპეციალისტები ეთანხებიან.

საქართველოში პენსია მომავალი წლიდანაც გაიზრდება და სხვადასხვა ასაკობრივად კატეგორიაში თანხის მატება განსხვავებული იქნება. უკვე რამდენიმე წელია ქვეყნის ბიუჯეტს პენსიის ყოველწლიურად გაზრდის შესაძლებლობა აქვს, რაც ეკონომისტების შეფასებით, ძალიან კარგი ტენდენციაა. 

საქართველოს მთავრობის საგარეო ვალი 26.5 მილიარდ ამერიკული დოლარს შეადგენს, რაც ერთ მოქალაქეზე 3 431 დოლარს უტოლდება. ქვეყანას, პანდემიის პერიოდში, საგარეო ვალდებულებები გაეზარდა, თუმცა მას შემდეგ მისი მოცულობა ეტაპობრივად მცირდება. ამიტომ საქართველოსთვის საგარეო ვალი პრობლემას არ წამროაგდენს, თუმცა, როგორც ეკონომისტები ფიქრობენ, ყველაზე მნიშვნელოვანი არა მისი მოცულობა, არამედ ისაა, თუ რისთვის იღებენ საგარეო კრედიტებს და აქვს თუ არა მას ეფექტი ეკონომიკაში. 

საქართველოში სტუდენტების საერთო საცხოვრებლების მშენებლობის საკითხი კვლავ გააქტიურდა. კვლევები ცხადყოფს, რომ ქვეყანაში, როგორც ადგილობრივი, ასევე უცხოელი სტუდენტების რაოდენობა მუდმივად იზრდება. ხოლო მათთვის ბიუჯეტური საცხოვრებელი ფართის დაქირავება მუდმივ პრობლემას წარმოადგენს. უძრავი ქონების სექტორში კი მიიჩნევენ, რომ მზარდი რაოდენობის ფონზე, საერთო საცხოვრებლები ერთ-ერთ პერსპექტიულ მიმართულებად უნდა განიხილებოდეს. ამას თან ერთვის ისიც, რომ მსგავსი ტიპის ინფრასტრუქტურა დედაქალაქში შეზღუდული რაოდენობითაა. 

მთავრობა საქართველოს ეკონომიკურ ზრდაზე დიდ იმედს ამყარებს. მზარდი ტრენდის შენარჩუნება იძლევა იმედს, რომ ქვეყნის მთლიანი შიდა პროდუქტი  წლის ბოლოსთვის 100 მლრდ ლარზე მეტი იქნება წლის ბოლოსთვის და ერთ სულ მოსახლეზე პირველად გადავაჭარბებთ 10 000-დოლარიან მაჩვენებელს.  საქართველოს პრემიერ-მინისტრის ამ განცხადებას ეკონომიკურ წრეებშიც იზიარებენ და აცხადებენ, რომ ეკონომიკური ზრდის შესახებ მთავრობის მოლოდინი რეალურია.

ევროპული ორგანიზაციები საქართველოს მშპ-ს პროგნოზს ზრდიან. ეს ხდება მაშინ, როდესაც ევროპაში "ქართული ოცნების” ხელისუფლებას აკრიტიკებენ და არჩეულ პოლიტიკასაც უწუნებენ, მაგრამ, მეორე მხრივ, ქვეყნის ეკონომიკურ პოტენციალს ძალიან დადებითად აფასებენ. საინტერესოა, როგორ არის ეს ორი ამბავი ერთმანეთთან თანხვერდაში და რა შეფასება შეიძლება მიეცეს ერთი მხრივ კრიტიკას და მეორე კუთხით განვითარებაზე საუბარს?  

ხორბლის იმპორტი ძვირდება, რაც გარკვეულ გავლენას ფასზეც მოახდენს. ამის მიზეზი რუსეთში ხორბლის ექსპორტის გადასახადის ზრდაა, რომელიც ფაქტობრივად გაორმაგდა. თუმცა ადგილობრივ ბაზარზე მკვეთრი საფასო ცვლილება მოსალოდნელი არ არის.  ფქვილის ბაზარზეც ჯერჯერობით სტაბილურობაა, კონკრეტულად რამდენით გაძვირდება პროდუქცია, იმპორტიორები  ვერ აკონკრეტებენ, თუმცა ირწმუნებიან, რომ ყველა პირობაა იმისთვის, რათა სტაბილურობა შენარჩუნდეს.

თბილისის მეტროს პირველ ხაზზე ორი ახალი სადგური აშენდება, ერთი - ვარკეთილში, მეორე კი - გლდანში იქნება. დედაქალაქის მერიაში იმედი აქვთ, რომ სადგურების დამატებით შემცირდება საზოგადოებრივ ტრანსპორტში დახარჯული ჯამური მგზავრობის დრო, დაახლოებით, 576 საათით, რაც ქსელის განტვირთვის დამატებითი შესაძლებლობაა. მართალია, კახა კალაძის სატრანპორტო პოლიტიკას ბევრი აკრიტიკებს, მაგრამ ამჯერად სპეციალისტები ამბობენ, რომ მეტროპოლიტენის განვითარება სასიცოცხლოდ მნიშვნელოვანია. 

დეპოზიტების დაზღვევის სისტემა გაფართოვდება. მიღებული გადაწყვეტილებით, 2026 წლის პირველი აპრილიდან ფიზიკური და იურიდიული პირების დაზღვეული დეპოზიტის ანაზღაურებადი თანხის ოდენობა 30 ათასიდან 50 ათას ლარამდე გაიზრდება.