რაც უფრო ახლოვდება არჩევნები ოპოზიციურ პარტიებში ერთმანეთის მიუღებლობა მით უფრო იზრდება - პარტია „საქართველოსთვის" კატეგორიულად გამორიცხავს ენმ-თან ალიანსს, ამ პოზიციაზეა „ლელოც" და სხვა შედარებით დაბალპროცენტიანი პარტიები. ანალიტიკოსების თქმით, ეს შესაძლოა პარტიების წინასაარჩევნო სტრატეგიის ნაწილი იყოს, რაც ერთის მხრივ კარგია იმ ამომრჩევლის მოსაზიდად, რომელსაც არც ენმ უნდა და არც „ოცნება".

26 ოქტიმბრის საპარლამენტო არჩევნებზე საერთაშორისო დამკვირვებელთა საკმაოდ დიდ რაოდენობას და რამდენიმე გრძელვადიან მისიას უნდა ველოდოთ. ამის შესახებ სამშაბათს ევროკავშირის წევრი სახელმწიფოების ელჩებთან დახურული შეხვედრის შემდეგ ოპოზიციის წარმომადგენლებმა გააკეთეს განცხადება. ანალიტიკოსები მიიჩნევენ, რომ საქართველოს წლევანდელი არჩევნები დასავლეთისათვის განსაკუთრებული მნიშვნელობის იქნება და ამას რამდენიმე მიზეზი აქვს.

„ქართული ოცნების“ დეპუტატების ავტორობითა და ინიციატივით, პარლამენტში „შინაურ ბინადარ ცხოველთა შესახებ“ კანონპროექტი დაინიცირდა, რომელსაც 24 დეპუტატი აწერს ხელს. იგი ეხება შინაური ცხოველების უფლებების დაცვასა და მათი მეპატრონეების ვალდებულებებს. ასევე ითვალისწინებს სანქციების დაკისრებას კანონონის დარღვევის შემთვევაში - ფულად ჯარიმებს და პატიმრობასაც კი. 

სამშენებლო სფეროში რეგულაციების მიუხედავად, დედაქალაქში მასშტაბური მშენებლობა აქტიურად მიმდინარეობს. სექტორში დიდი აქტიურობა შეიმჩნევა. უკვე გახშირდა ცათამბჯენების პროექტები (ზოგიერთის აშენება დაწყებულია), რაც დედაქალაქის იერსახეს ამახინჯებს და არაერთხელ გამხდარა ურბანისტების კრიტიკის საგანი. როგორც ჩანს, მიდგომა არ შეცვლილა და არც სახელმწიფო ცდილობს, ამ მიმართულებით დეველოპერების საქმიანობა შეზღუდოს.

ქვეყანაში ენერგეტიკის განვითარება ერთ-ერთ პრიორიტეტად არის დასახელებული და ამ დროს საქართველოს შესაბამისი სამონისტროც კი არ გააჩნია. 7 წლის წინ გაუქმებული უწყების აღდგენაზე საუბრობენ ენერგეტიკოსები და ამბობენ, რომ სტრუქტურის არსებობა აუცილებელია, რადგან ასეთ შემთხვევაში დარგის განვითარება უფრო დაჩქარდება, ხოლო ქვეყანა სრულ ენერგოდამოუკიდებლობამდე მივა.

საქართველო 16-18 თებერვალს მიუნხენის უსაფრთხოების კონფერენციაზე პრაქტიკულად ორი დელეგაციით იქნება წარმოდგენილი - პრეზიდენტმა სალომე ზურაბიშვილმა კონფერენციიდან ოფიციალური მოწვევა მიიღო და მიუნხენში სამი დღით ადრე უკვე გაემგზავრა. ამას გარდა, კონფერენციაზე მიემგზავრება საქართველოს ოფიციალური დელეგაციაც საგარეო საქმეთა მინისტრ ილია დარჩიაშვილის ხელმძღვანელობით. ანალიტიკოსები აცხადებენ, რომ დასავლეთში ეს დადებითად არ იქნება აღქმული, თუმცა ამას არც ნეგატიური შედეგები მოჰყვება.

2024 წლის იანვრის თვეში საქართველოს ექსპორტიც შეუმცირდა და იმპორტიც. კლება ორივე შემთხვევაშიც მაღალია. ჯერჯერობით ოფიციალური და დეტალური მონაცემები არ არის ცნობილი, თუ რომელი პროდუქციის ყიდვა-გაყიდვამ იკლო, თუმცა, როგორც სპეციალისტები ვარაუდოენ, შემცირებასთან კავშირშია ავტომობილები, ფეროშენადნობები, სპილენძის მადნები და მინერალური სასუქები.

„ნაციონალურ მოძრაობას" სურს, რომ პატიმრობაში მყოფი ექსპრეზიდენტი მიხეილ სააკაშვილი, რომელიც უკრაინის მოქალაქეა, საპარლამენტო არჩევნებზე პრემიერ-მინისტრობის თავის კანდიდატად დაასახელოს. რამდენად შეესაბამება ეს საქართველოს კანონმდებლობას და რა მიზნის მიღწევა სურს ამით ენმ-ს?

რუსეთის ხელისუფლებას აფხაზეთის დე ფაქო ძალოვანის სტრუქტურების ლოიალურობის იმედი აღარ აქვს და ცდილობს სამართლებრივი საფუძველი შექმნას იმისთვის, რომ საჭიროების შემთხვევაში, თავისი ინტერესების დასაცავად, აფხაზეთში რუსი სამართალდამცავების შეყვანა შეეძლოს. ასე აფასებს კონფლიქტოლოგი და ყოფილი სახელმწიფო მინისტრი პაატა ზაქარეიშვილი ე.წ. შეთანხმებას დე ფაქტო შსს-ს და რუსეთის ფედერაციის ეროვნული გვარდიის ფედერალური სამსახურს („როსგვარდია") შორის, რომლის გაფორმებაც ბოლო წამს ჩაიშალა.

პოლიციამ 45 წლის კაცი მეგობარ ქალზე შანტაჟის და მუქარის ბრალდებით დააკავა. როგორც ირკვევა, დასავლეთ საქართველოში მცხოვრებ მამაკაცს გათხოვილ ქალთან ჰქონდა ინტიმური ურთეირთობა, რომელიც ფარულად გადაიღო. რამდენიმე ხნის შემდეგ ქალმა მას ურთიერთობის  გაგრძელებაზე უარი უთხრა. კაცმა კი მისი შანტაჟი დაიწყო - ემუქრებოდა, რომ მათი ინტიმური კავშირის ამსახველ კადრებს მის ქმარს და ნათესავებს გაუგზავნიდა. 

გარდა ამისა, მამაკაცი ქალს სახლში მიუვარდა და ბავშვების თანდასწრებით სახლში შეღწევას ცდილობდა. იგი პოლიციამ დააკავა და მის ტელეფონში ფარულად გადაღებული ინტიმური შინაარსის კადრები იპოვა.   

პარტია „ლელომ" საარჩევნო კამპანია დაიწყო ლოზუნგით „შუა უნდა შეიკრიბოს". ბოლო პერიოდში პარტიის ლიდერები აქცენტს იმაზე აკეთებენ, რომ „ქართული ოცნების" საპატიო თავმჯდომარეს 26 ოქტომბრის საპარლამენტო არჩევნების შემდეგ საქართველოს დატოვება და მოსკოვში გამგზავრება მოუწევს. ანალიტიკოსთა შეფასებით, შესაძლოა, „ლელო" „შუას შეკრებასთან" ერთად ენმ-სათვისაც ცდილობს ამომრჩევლის წართმევას, თუმცა, საეჭვოა ამ მხრივ რაიმე წარმატებას მიაღწიოს.

ავლაბარში 50 წლამდე მამაკაცი ჩაცხრილვის ფაქტზე ახალი დეტალები ხდება ცნობილი.  მოკლული მამაკაცი იმავე უბანში ცხოვრობდა, სადაც მკვლელობა მოხდა. შემთხვევის ადგილზე დამონტაჟებულია სათვალთვალო კამერები, საიდანაც სამართალდამცველებმა უკვე ამოიღეს ჩანაწერები. გამოძიების ინფორმაციით,  ქურდულ სამყაროსთან კავშირში მყოფი ფელიქს კაპანოვის მკვლელობისთვის ორი ადამიანია დაკავებული. შინაგან საქმეთა სამინისტროს ინფორმაციით, 47 წლის კაცს  ჩასაფრება ავლაბარში ძმებმა, ედვინ ბაგაშვილმა და კარლო გალოიანმა  მოუწყვეს. კაპანოვს ჯერ ფიზიკურად ჯგუფურად გაუსწორდნენ, შემდეგ კი იარაღიდან ესროლეს.