აშშ-მა ირანის სარაკეტო არსენალის დაახლოებით მესამედი გაანადგურა - ამის შესახებ აშშ-ის დაზვერვასთან დაახლოებული ხუთი პირი „როიტერსთან" ანონიმურობის დაცვის პირობით აცხადებს. კიდევ დაახლოებით მესამედის მდგომარეობა გაურკვევლია, თუმცა ოთხი წყაროს თქმით, რომ დაბომბვების შედეგად ეს რაკეტები, სავარაუდოდ, დაზიანდა ან განადგურდა. ექსპერტები კი ფიქრობენ, რომ ირანი შესაბამის მომენტს ელოდება და რაკეტებს უბრალოდ მალავს.

ახლო აღმოსავლეთში სამხედრო დაპირისპირება გრძელდება, აშშ მოლაპარაკებებზე საუბრობს, თუმცა ირანიც და ისრაელიც აცხადებენ, რომ სამხედრო შეტაკებები გაგრძლედება, რუსული მხარის შეფასებით კი „ახლო აღმოსავლეთში ყველაზე დიდი ომი ჯერკიდევ წინ არის". ამის ფონზე კითხვა, დაიწყებს თუ არა ამერიკა ირანში სახმელეთო ოპერაციას, სულ უფრო აქტუალური ხდება.

სომხეთის დედაქალაქი ერევანი 4-5 მაისს სომხეთ-ევროკავშირის პირველ სამიტს უმასპინძლებს. საგარეო საქმეთა სამინისტროს პრესსამსახურის ცნობით, სამიტზე ყურადღება გამახვილდება ორმხრივი ურთიერთობების განმტკიცებაზე. კონფლიქტოლოგის პაატა ზაქარეიშვილის აზრით, სამიტის მიზანია მოახლოებულ არჩევნებში სომხეთის რეპუტაციის გაძლიერება.

ირანზე დარტყმების შეჩერებასთან დაკავშირებით აშშ-ის პრეზიდენტის მიერ გამოცხადებული პაუზა 28 მარტს იწურება, მოლაპარაკებების პერსპექტივა კი ჯერ ისევ ბუნდოვანია. ტრამპის 15 პუნქტის საპირწონედ, თეირანმა თავისი ულტიმატუმები წამოაყენა. მიმომხილველთა ნაწილი ამბობს, რომ ეს პაუზაც და მოლაპარაკებებზე ოპტიმისტური განცხადებებიც ტრამპს მხოლოდ დროის გაყვანის მიზნით სჭირდება, რათა სამხელეთო ოპერაციისთვის მოემზადოს.

ევროკომისიამ დაიწყო პროცესი, რომლის შედეგადაც ევროკავშირი შესაძლოა გახდეს უკრაინის წინააღმდეგ აგრესიის დანაშაულზე შექმნილი სპეციალური ტრიბუნალის დამფუძნებელი წევრი, როგორც ევროკომისარი კაია კალასი ამბობს, სამართლიანობის აღდგენა, ასევე, პოტენციური აგრესორებისთვის შემაკავებელი ფაქტორია

უნგრეთის პრემიერ-მინისტრმა ვიქტორ ორბანმა განაცხადა, რომ ქვეყანა ეტაპობრივად შეწყვეტს უკრაინისთვის გაზის მიწოდებას.მისი თქმით, ეს გადაწყვეტილება გამოწვეულია „დრუჟბას" ნავთობსადენის დაზიანებით და კიევის მიერ მისი შეკეთების გაჭიანურებით. ჯერჯერობით, უკრაინულ მხარეს ოფიციალური განცხადება არ გაუკეთებია.

ლატვიასა და ესტონეთში რუსეთის მხრიდან დრონები შეფრინდნენ. დრონების ნამსხვრევებთან სპეციალისტები გაგზავნეს. გავრცელებული ინფორმაციით, დაშავებული არავინაა. სავარაუდოდ, დრონები ლენინგრადის ოლქზე უკრაინის თავდასხმის შედეგად შეფრინდნენ ბალტიის ამ ორ ქვეყანაში.

ამ თვის დასაწყისში დონალდ ტრამპი-მა შეერთებული შტატებისა და ისრაელის მიმდინარე ომი ირანთან „პატარა ექსკურსიად" მოიხსენია და თქვა, რომ ის საკმაოდ სწრაფად დასრულდებოდა. „ჩვენ მცირე ექსკურსია გავაკეთეთ, რადგან ჩავთვალეთ, რომ ეს აუცილებელი იყო გარკვეული ბოროტების აღმოსაფხვრელად," - უთხრა ტრამპმა ფლორიდაში რესპუბლიკელ კანონმდებლებს. დღეს ტრამპმა ჟურნალისტებთან განაცხადა, რომ ირანთან კონსტრუქციული მოლაპარაკებები მიმდინარეობს.

რუსეთის ჩრდილო-დასავლეთში, ლენინგრადის ოლქში დრონებით განხორციელებულმა მასშტაბურმა შეტევამ ერთ-ერთ მთავარ ენერგეტიკულ კვანძს დაარტყა - პრიმორსკის პორტში საწვავის ავზის დაზიანებამ ხანძარი გამოიწვია. გუბერნატორის, ალექსანდრე დროზდენკოს ინფორმაციით, საჰაერო თავდაცვამ 24 საათზე ნაკლებ დროში 60-ზე მეტი დრონი გაანადგურა, ეს ხდება იმის ფონზე, როცა უკრაინული დრონების შეტევები რუსეთის სიღრმეში სულ უფრო ინტენსიური ხდება

პრეზიდენტ დონალდ ტრამპის განცხადების მიუხედავად, რომ პენტაგონი მასშტაბური სამხედრო ძალისხმევის შემცირებას განიხილავს, შესაძლოა ახლო აღმოსავლეთში სიტუაცია უფრო გართულდეს. სხვადასხვა წყაროები, მათ შორის ოფიციალური, ადასტურებენ, რომ აშშ ირანში სახმელეთო ოპერაციისთვის სერიოზულად ემზადება.

აშშ-ის ადმინისტრაციამ ირანული ნავთობის საზღვაო შესყიდვებზე სანქციები 30 დღით დროებით გააუქმა, რათა შეამსუბუქოს ნავთობის ფასების მკვეთრი ზრდა, რომელიც აშშ-ისა და ისრაელის მიერ ირანზე განხორციელებულმა სამხედრო მოქმედებებმა გამოიწვია. ინფორმაციას აშშ-ის ხაზინის მდივანი ავრცელებს. ანალიტიკოსები ამბობენ, რომ ამ ნაბიჯით აშშ ირანს ნავთობის გაყიდვის საშუალებას აძლევს, რაც ომში შესაძლოა ძვირად დაუჯდეს.

უნგრეთი ევროკავშირის ფარგლებში უკრაინისთვის 90 მილიარდი დოლარის გამოყოფას კვლავ ბლოკავს და ამის წინაპირობად ისევ „დრუჟბას" ამუშავებას ასახელებს. ევრობლოკი აცხადებს, რომ გეგმა „ბ" და ვეტოს დასაძლევად ინსტრუმენტები აქვს, თუმცა არ აკონკრეტებს რა სახის მექანიზმია უკრაინის დახმარების გამოყოფისთვის.