„ნებისმიერი ჯანსაღი დიალოგისთვის, რომელიც დაფუძნებული იქნება სამართლებრივ არგუმენტებზე, მზად ვართ“, - განაცხადა გადაცემაში „დღის ქრონიკა“ იურიდიულ საკითხთა საპარლამენტო კომიტეტის თავმჯდომარის პირველმა მოადგილე თორნიკე ჭეიშვილმა საქართველოსა და ევროკავშირის ურთიერთობაზე საუბრისას.
ჭეიშვილი იმედოვნებს, რომ ბრიუსელში საღი აზრი გაიმარჯვებს და გადახედავს თავის უსამართლო დამოკიდებულებას საქართველოსთან მიმართებით.
„დიალოგის მზაობის პარალელურად, ჩვენთვის არსებობს წითელი ხაზები, რომლებიც გადის სუვერენიტეტზე, სახელმწიფო დამოუკიდებლობასა და ეროვნულ ღირებულებებზე, რომლებსაც ჩვენი მხრიდან არავინ გადაკვეთს და ეს ძალიან კარგად უნდა გაიგონ, რომ ეს არის ტაბუდადებული თემები, რომელზეც აზრი არ აქვს დისკუსიაში შემოსვლას“, - აღნიშნა თორნიკე ჭეიშვილმა.