ამერიკის პრეზიდენტმა, დონალდ ტრამპმა მსოფლიოს ყველა ქვეყანას 10%-იანი გლობალური ტარიფები დაუწესა. თეთრ სახლში აცხადებენ, რომ აშშ-ის პრეზიდენტის აღმასრულებელი ბრძანება ძალაში 24 თებერვალს შევა.

ჩემთვის დიდი პატივია ოვალურ კაბინეტში ხელი მოვაწერო აღმასრულებელ ბრძანებას ყველა ქვეყნისთვის 10%-იანი გლობალური ტარიფების დაწესების შესახებ, რომელიც თითქმის დაუყოვნებლივ ამოქმედდება“, - წერს დონალდ ტრამპი Truth Social-ზე.

გუშინ, აშშ-ის უზენაესმა სასამართლომ ტრამპის მიერ დაწესებული ტარიფები გააუქმა. ტრამპმა სხვადასხვა ქვეყნისთვის 10%-დან 49%-მდე ტარიფების დაწესების შესახებ 2025 წლის 3 აპრილს განაცხადა. სიაში არ იყო რუსეთი. ასევე, ახალი ტარიფები არ ეხებოდა კანადასა და მექსიკას. სასამართლოს გადაწყვეტილების შემდეგ, ტრამპმა განაცხადა, რომ გადაწყვეტილებით იმედგაცრუებულია და სასამართლოს ზოგიერთი წევრის გამო რცხვენია.