საქართველოს საგარეო საქმეთა მინისტრი გაფართოების საკითხებში ევროკომისრის, მარტა კოსის განცხადებას გამოეხმაურა. მაკა ბოჭორიშვილის განცხადებით, ჯერ „საქართველოს ხელისუფლებას დაბრალდა, რომ თითქოს გააჩერა რაღაც პროცესი, რაც დაწყებული არც  ყოფილა, ხოლო ახლა ისევ ევროკომისიიდან გვესმის, რომ თურმე მათ დავუსჯივართ“.

„ჩვენ ძალიან კარგად ვიცით, რა გახდა მიზეზი და რატომ გააჩერეს პოლიტიკური დიალოგი საქართველოსთან. წელიწად-ნახევარი საქართველოს ალოდინეს კანდიდატის სტატუსისთვის, მოგვცეს კანდიდატის სტატუსი და არდაწყებული გაწევრიანების პროცესი გააჩერეს. ჩვენთან მოლაპარაკებები არავის გაუხსნია. ის გადაწყვეტილება, რაც მიიღეს უკრაინასა და მოლდოვასთან მიმართებაში, საქართველოსთან მიმართებაში მიღებული არ ყოფილა. ამ დროს ჩვენ ვამბობთ, რომ არ გვინდა, ეს ინსტრუმენტი გამოგაყენებინოთ ჩვენ წინააღმდეგ და არ გთხოვთ მოლაპარაკებების გახსნას, ვიდრე თქვენ არ მიიღებთ ამ გადაწყვეტილებას. როდესაც ნახეს, რომ ეს ინსტრურმენტი ხელიდან ეცლებოდათ, მთლიანად შემოტრიალდა ნარატივი და დაბრალდა საქართველოს ხელისუფლებას, თითქოს ჩვენ გავაჩერეთ რაღაც პროცესი, რომელიც დაწყებულიც არ ყოფილა საქართველოსთან მიმართებაში. ახლა კი ისევ და ისევ ევროკომისიიდან გვესმის, რომ თურმე მათ დავუსჯივართ“, – აღნიშნა საგარეო საქმეთა მინისტრმა.