დღეს ანდრია პირველწოდებულის და ღვთისმშობლის წილხვდომილობის დღეა. 12 მაისი უქმედ არის გამოცხადებული. ტაძრებში საზეიმო წირვა ტარდება.
მახათას მთაზე, ივერიის ღვთისმშობლის ხატის სახელობის ტაძარში, სადაც მოქალაქეები დილიდან იკრიბებიან, ერთი დღით, დასვენებულია მამა გაბრიელის ხატი.
წირვას, რომელსაც საპატრიარქო ტახტის მოსაყდრე მღვდელმთავრებთან ერთად აღავლენს, საქართველოს პრემიერ-მინისტრი მმართველი გუნდის წევრებთან ერთად ესწრება.
პარლამენტის საპროცედურო საკითხთა და წესების კომიტეტის თავმჯდომარემ, დავით მათიკაშვილმა დღესასწაული საზოგადოებას მიულოცა.
"მინდა, მივულოცო თითოეულ ქართველს ეს ბრწყინვალე დღესასწაული. ქრისტიანობამ უდიდესი როლი ითამაშა ჩვენი ქვეყნის ისტორიაში, ჩვენი ქვეყნის სულიერი სიძლიერე სწორედ ამ საფუძვლიდან გამომდინარეობს, ამიტომ თითოეულ ოჯახს, ქართველს გულითადად ვულოცავ ამ დღეს", - განაცხადა დავით მათიკაშვილმა.