თბილისში, ვაგზლის ბაზრობის ტერიტორიაზე ძლიერი ხანძარი ლიკვიდირებულია. დახლოებით 15 ათას კვადრატულ მეტრზეა დამწვარი შერეული ბაზრობის ტერიტორია. დამწვარია რამდენიმე მაღაზია.

არსებული ინფორმაციით, ხანძარი „ბორჯომის ვაგზლის“ ტერიტორიაზე დილის 06:30 საათზე გაჩნდა, სადაც ტანსაცმლის, ხილ-ბოსტნეულის და სხვადასხვა სასაწყობე ფართია.

ადგილზე სამაშველო ბრიგადები მუშაობენ.

არსებული ინფორმაციით, ხანძრის შედეგად არავინ დაშავებულა. ხანძრის გამო ბაზართან ახლოს მდებარე კლინიკებიდან პაციენტების ევაკუაციაც განხორციელდა.

ხანძრის გამომწვევი მიზეზები ამ ეტაპზე უცნობია.