პოლონეთის პრემიერ-მინისტრის, დონალდ ტუსკის განცხადებით, უკრაინასთან საზღვარზე არსებული ცნობები ადასტურებს, რომ ამერიკული დახმარების მიწოდება შეჩერებულია. ამის შესახებ დონალდ ტუსკმა მთავრობის სხდომის წინ პრესკონფერენციაზე განაცხადა.
„როგორც იცით, დღეს გამოცხადდა გადაწყვეტილება უკრაინისთვის ამერიკული დახმარების შეჩერების შესახებ და ამერიკული მხარის მიერ რუსეთისთვის სანქციების შესაძლო მოხსნის შესახებ. დღეს ჩვენ არ გვაქვს საფუძველი, გვჯეროდეს, რომ ეს მხოლოდ სიტყვებია. მეტიც, ცნობები, რომლებიც მოდის საზღვრიდან, იასიონკაში მდებარე ჩვენი ჰაბიდან, ასევე ადასტურებს ამერიკული მხარის განცხადებას. ეს, რა თქმა უნდა, ევროპას, უკრაინას და პოლონეთს უფრო რთულ მდგომარეობაში აყენებს, თუმცა ჩვენ უნდა გავუმკლავდეთ ამ სიტუაციას. რეალობით განაწყენებას აზრი არ აქვს. ეს იყო ლონდონში შეხვედრის თემა“, – განაცხადა ტუსკმა.
იასიონკა არის პოლონეთიდან უკრაინისთვის დასავლური იარაღისა და საბრძოლო მასალის ტრანსპორტირების მთავარი პუნქტი.