UFC-ის პრეზიდენტმა დანა უაითმა პრესკონფერენციაზე საქართველოში შესაძლო ჩამოსვლის შესახებ ისაუბრა.

„ყველგან ჩასვლა გვსურს. რამდენიმე ადამიანი აქტიურად გვარწმუნებს, რომ UFC-ის ღონისძიება საქართველოში ჩავატაროთ. ეს ლოგიკურია, რადგან სად აქვს აზრი ყველაზე მეტად ახლა ჩასვლას? - საქართველოში, რადგან ამ ქვეყნიდან შერეულ ორთაბრძოლებში ნიჭიერი ადამიანები გამოჩნდნენ და ბუნებრივია, ინტერესი ერთი-ორად გაიზარდა", - განაცხადა დანა უაითმა.

საქართველოს შერეულ ორთაბრძოლებში ორი მოქმედი ჩემპიონი ჰყავს. საჩემპიონო ქამრები მერაბ დვალიშვილმა და ილია თოფურიამ მოიპოვეს და შემდეგ ქამრების დაცვაც მოახერხეს.