ოთხი საშინელი დღისა და ოთხი გრძელი, უძილო ღამის შემდეგ, ტაივანელ ქალს მოთმინების ფიალა აევსო.

ის უკვე ვეღარ უძლებდა გაუჩერებელ შრიალისა და წკაპუნის ხმებს მარცხენა ყურში, რაც ისეთი ღრმად იგრძნობოდა, თითქოს ძვლების შიგნიდან მოდიოდა. გრძნობდა რაღაც მოძრაობებსაც, რამაც დაარწმუნა, რომ მისი ყურის არხში შეიძლება რაღაც ყოფილიყო მოკალათებული.

ქალი არც ცდებოდა. როდესაც ყელ-ყურ-ცხვირის კლინიკას მიაკითხა, ექიმებმა მის მარცხენა ყურში ე. წ. დაკვირვებულთვალიანი ობობა აღმოაჩინეს.

ვინაიდან იქვე იყო მიყრილი ობობას გარეთა ჩონჩხის ნარჩენებიც, დიდი ალბათობით, ახალგაზრდა ობობამ ყურის ხვრელში კარგ ბნელ თავშესაფარს მიაგნო ზრდის პროცესში კანის გარე, მყარი ნაწილების მოსაშორებლად.

ქალაქ ტაინანის მუნიციპალური საავადმყოფოს ექიმების განცხადებით, 64 წლის ქალი რაიმე ტკივილს არ გრძნობდა და ობობაც ერთი ციცქნა იყო — მხოლოდ 2-3 მილიმეტრის ზომის.