გარიცხავენ თუ არა "ნაციონალური მოძრაობიდან" ნიკა მელიასა და ბაჩო დოლიძეს - მმართველ გუნდში ამბობენ, რომ "ნაციონალურ მოძრაობაში" იმგვარადაა მდგომარეობა დაძაბული, რომ ცალკეული ადამიანების გარიცხვის საკითხი მეორეხარისხოვანია.
პარლამენტის ადამიანის უფლებებისა და სამოქალაქო ინტეგრაციის კომიტეტის თავმჯდომარის, მიხეილ სარჯველაძის თქმით, "ნაციონალური მოძრაობის" არსებობა, პრაქტიკულად, შეუძლებელი ხდება.
"უკვე მნიშვნელობა არ აქვს, როგორ კრავენ წიხლს ერთმანეთს ამ პარტიის პოლიტიკური დაჯგუფებები. მთავარი ისაა, რომ ურთიერთობები იმ დონემდე დაიძაბა, რომ იქ შეუძლებელი გახდა არათუ ცალკეული ადამიანების ერთობლივი მუშაობა, არამედ, პრაქტიკულად - ამ დაჯგუფების არსებობაც. ამიტომ, აბსოლუტურად მეორეხარისხოვანი მნიშვნელობა აქვს, [მელიას] გარიცხავენ, თუ არ გარიცხავენ... მანამდე დაასწრებს... გავა, თუ რას იზამს,"- აცხადებს მიხეილ სარჯველაძე.
თავად "ერთიან ნაციონალურ მოძრაობაში" საკითხზე კონსულტაციებს უარყოფენ.