სომხეთის მთავრობა ყარაბაღიდან სომხეთში იძულებით გადაადგილებული პირებს, გადაუდებელ საჭიროებისთვის, თითოეულს 100 ათას დრამს (დაახლოებით 255 დოლარი) გამოუყოფს, - ამის შესახებ სომხეთის პრემიერ-მინისტრმა, ნიკოლ ფაშინიანმა სოციალურ ქსელ „ფეისბუქში" დაწერა.

„მთიანი ყარაბაღიდან იძულებით გადაადგილებული ჩვენი ძმებისა და დების გადაუდებელი საჭიროებისთვის, ჩვენ სახელმწიფო ბიუჯეტიდან თითოეული მათგანისთვის, განურჩევლად მათი ასაკისა, 100 ათას დრამს გამოვყოფთ", - წერს ფაშინიანი.

მისი ცნობით, თანხის გამოყოფასთან დაკავშირებით დეტალებს სომხეთის საზოგადოებრივი მაუწყებლის ეთერში ვიცე-პრემიერი ტიგრან ხაჩატრიანი წარადგენს.

სომხური მხარის მონაცემებით, ყარაბაღიდან სომხეთში 75 ათასი ეთნიკური სომეხი გადავიდა.