პარტია "გახარია საქართველოსთვის" აღმასრულებელმა მდივანმა, ბერდია სიჭინავამ აღნიშნა, რომ 4 ოქტომბრის მოვლენები "ქართული ოცნებისა" და ოპოზიციის ნაწილის პასუხისმგებლობაა.

"გაანადგურეს არჩევნების იდეა "ოცნებამ" და ოპოზიციის იმ ნაწილმა, რომელიც უსინდისოდ მოიქცა 4 ოქტომბერს. დღეს გამოდიან და თურმე პოლიტიკიდან საერთოდ მიდიან და ლაპარაკი არ უნდათ 4 ოქტომბერთან დაკავშირებით, ვისთან ერთად და როგორ გეგმავდნენ 4 ოქტომბერს. ასეთი უსინდისობა გაუკეთეს ქვეყანას "ოცნების" პროვოკაციით და დაგეგმვით", - განაცხადა ბერდია სიჭინავამ.

რაც შეეხება მანდატების საკითხს, სიჭინავა აღნიშნავს, რომ პარტიამ მანდატების გამოყენება და აქტიურ პოლიტიკურ პროცესში ჩართვა ქვეყანაში რადიკალიზაციის დასრულების მიზნით გადაწყვიტა.