მშობლის ინფორმაციით, თბილისის 175-ე საჯარო სკოლაში ბავშვზე ძალადობა მოხდა. "ტვ პირველისთვის" მოწოდებული ინფორმაციის თანახმად, შემთხვევა დაახლოებით სამი კვირის წინ ჯერ სკოლის შენობაში დაიწყო, მერე მის გარეთ გაგრძელდა. ერთი მოსწავლე მეორეს ფიზიკურად გაუსწორდა. საუბარია 16 წლის მოზარდებზე.

დედის მტკიცებით, მის შვილს ე.წ. ჰაიმორის ძვლები ჰქონდა დამტვრეული, რის გამოც მას სასწრაფო ოპერაცია ჩაუტარდა.

დაშავებულის ახლობლები სკოლის დირექტორის პასუხისმგებლობას აყენებენ და რეაგირებას ითხოვენ. 

შსს-მ მომხდარზე გამოძიება 126-ე მუხლით დაიწყო. მათი ინფორმაციით, მხილებულია 1 პირი.