მოსკოვის ოპტიმისტური ნარატივის მიუხედავად, უკრაინული დრონების იერიშებით გამოწვეული საწვავის კრიზისი რუსეთის ეკონომიკას სერიოზულ დარტყმას აყენებს. სანამ ვლადიმერ პუტინი ეკონომიკურ სტაბილურობასა და კრიზისის დროებით ხასიათზე საუბრობს, კრემლს რეალურად -ექსპორტის სრული აკრძალვითა და დიზელის იმპორტზე გადასვლით- საგანგებო ზომების მიღება უწევს.

ვაშინგტონის ოფიციალურ რიტორიკასა და ახლო აღმოსავლეთის ფრონტზე არსებულ რეალობას შორის აცდენა სულ უფრო თვალსაჩინო ხდება. იმ ფონზე, როდესაც დონალდ ტრამპი ირანის სამხედრო პოტენციალის განადგურებაზე მიუთითებს, რეგიონში ამერიკულ ბაზებზე იერიშები ინტენსიური ხდება, ხოლო დაშავებულ ჯარისკაცთა რაოდენობა ნახტომისებურად იზრდება.

თბილისის საქალაქო სასამართლომ, პარლამენტის თავმჯდომარის, შალვა პაპუაშვილისა და დეპუტატ ვლადიმერ ბოჟაძის შესახებ სოციალურ ქსელში დაწერილი პოსტის გამო ჟურნალისტ ვახო სანაიას 14-დღიანი ადმინისტრაციული პატიმრობა შეუფარდა. აღნიშნულ გადაწყვეტილებას არაერთვაროვანი შეფასებები მოჰყვა.

თელავში ქორწილის დროს წარმოქმნილი კონფლიქი საზოგადოებში განხილვის მთავარ თემად იქცა. ყველა ხაზს უსვაბს, რომ ძალადობა მიუღებელი და დასაგმოვია. თუმცა პარალელურად ყველაფერში ან რუს ტურისტებს ადანაშაულებენ, ან ამასთან ერთად ხელისუფლების ბრალსაც ხედავენ. ნაწილი კი უფრო შორს მიდის და „რუსეთის მიერ ყველაფრის წინასწარ დაგეგმის შესახებ შეთქმულების თეორიებს ანვითარებს.

კიევის წინაშე შექმნილი კრიზისი პოლიტიკურ ჩიხად იქცა: ზელენსკის ადმინისტრაცია ვერც სირსკის გათავისუფლებას რისკავს ახალი კანდიდატურის გარეშე და ვერც ფედოროვს აბრუნებს, რადგან ეს პრეზიდენტის მხრიდან ძალაუფლების დათმობა იქნება. საბოლოო გადაწყვეტილება სისტემურ პრობლემას ეჯახება - ხელისუფლება ეძებს იშვიათ ფიგურას, რომელიც ფედოროვის პოპულარობას გადაფარავს, თუმცა პოლიტიკური ამბიციებისგან სრულიად დაცლილი დარჩება.

სტიქიურმა მოვლენებმა თბილისსა და რეგიონებში პოლიტიკური დაპირისპირება და ინფრასტრუქტურულ მზაობაზე მსჯელობა გაამწვავა. ოპოზიცია დატბორვას კორუფციასა და გაუმართავ სანიაღვრეებს აბრალებს.  მერია პრობლემას უხვი ნალექით ხსნის. ხოლო ექსპერტები უსისტემო მშენებლობებსა და კლიმატის გლობალურ ცვლილებებზე მიუთითებენ. ამ დროს კი მსოფლიოში რეკორდული სიცხე და ექსტრემალური ტემპერატურული ტალღებია.

ბოლო პერიოდში საქართველო ექსპორტისა და რეექსპორტის კუთხით მნიშვნელოვან მატებას განიცდის. "საქსტატის" მონაცემებით, საგრძნობლად გაიზარდა ავტომობილების რეექსპორტი ირანთან. პარალელურად მომატებულია ნავთობპროდუქტების ექსპორტი ისეთ ქვეყნებთან, როგორიცაა ტოგო, ჩინეთი, ლიბია და ა.შ. ექსპერტები ვარაუდობენ, რომ ახლო აღმოსავლეთში მიმდინარე კონფლიქტის ფონზე ქვეყნებმა შეცვალეს მომწოდებლები და საქართველომ ამით ისარგებლა. 

მსოფლიო ბაზარზე ნვთობის ფასი  დაეცა, თუმცა საქართველოში ცვლილება ფაქტობრივად არ ასახულა. ბენზინი კვლაც ძვირია და სავარაუდოდ, ტენდენცია დიდად არ შეიცვლება. ამის ერთ-ერთი მიზეზი ბაზარზე არსებული გაურკვევლობაა. მართალია, ბოლო კვირების განმავლობაში სპარსეთის ყურიდან წამოსულმა ნავთობმა გლობალური მარაგი შეავსო, ახლა გადამუშავების პრობლემებია. ნავთობგადამამუშავებელი ქარხნები შეზღუდულად მოცულობით მუშაობენ, რამაც შესაძლოა, ბენზინის კრიზისამდე მიგვიყვანოს.

კომერციულ ბანკებს ლარის მოზიდვის  მიმართ ინტერესი გაუქრათ. როგორც სტატისტიკური მონაცემიდან ჩანს, სექტორი არც მოსახლეობას ასტიმულირებს და აღარც რეფინანსირების სესხებით ინტერესდება.  ამ წყაროების ერთადერთ ალტერნატივად ფინანსისტები საპენსიო ფონდს მიიჩნევენ, თუმცა ესეც ვარაუდის დონეზეა. წლების ტენდენციის მკვეთრი კლება სპეციალისტებში სერიოზულ ეჭვს იწვევენ.

საზღვაო  ტურისტული  სეზონი საგრძნობლად გააქტიურდა, თუმცა მოთხოვნა, წინა წელთან შედარებით, შემცირებულია. ფასების კუთხით, ცვლილება არ იგრძნობა. სექტორში აცხადებენ, რომ  კვებისა და  განთავსების მიმართულებით ტარიფები შენარჩუნდა.  რაც შეეხება ტურისტული ნაკადის კლების ტენდენციას,  ამ მხრივ გლობალურმა პროცესმა ნეგატიურად იმოქმედა. პრემიუმ სეგმენტში აშკარად უკეთესი მდგომარეობაა, თუმცა მცირე და საშუალო სასტუმროებში დამსვენებლების სიმცირეზე საუბრობენ. სახარბიელო არც ოფიციალური სტატისტიკაა.

ახალი პოლიტიკური გეგმები, თუმცა უცვლელი მხარდაჭერა სტრატეგიულ პარტნიორებთან - გაერთიანებულ სამეფოს ახალი პრემიერ-მინისტრი ჰყავს. ენდი ბერნემმა ქვეყნის მართვის სადავეები ოფიციალურად გადაიბარა, ახალმა პრემიერმა აშშ-ს პრეზიდენტისგან შექება უკვე დაიმსახურა, რა შეიცვლება ბრიტანეთის პოლიტიკურ რეალობაში ბოლო 40 წლის განმავლობაში ყველაზე მასშტაბური რეფორმების ფონზე და გაიზიარებს თუ არა ახალი პრემიერი მისი წინამორბედის ბედს, რომლის ორწლიანი მმართველობაც კრიზისით დასრულდა?

პროკურატურა თელავში, სასტუმროში მომხდარი ინციდენტის გამო დაკავებული გიორგი ჭიღლაძისთვის 5 000-ლარიანი გირაოს მოთხოვნას გეგმავს, თუმცა, დაცვის მხარე აცხადებს, რომ ბრალდებული რეალურად თავად არის დაზარალებული. ადვოკატის ვერსიით, კონფლიქტი რუსი დამსვენებლების მხრიდან ქართული სიმღერებისა და ქორწილის მიმართ აგრესიამ გამოიწვია, რასაც სიძის ძმის მისამართით ფიზიკური თავდასხმა მოჰყვა.