ევროკომისიასა და საქართველოს ოფიციალური პირების დელეგაციას შორის შეხვედრის მიზანი იმ გარემოებების გამოსწორებაა, რამაც სამსახურებრივი და ოფიციალური პასპორტების მფლობელი საქართველოს მოქალაქეებისთვის უვიზო მიმოსვლის შეჩერება გამოიწვია. სპეციალისტების შეფასებით, დიდი ალბათობით, ევროკავშირის საქართველოსთან უვიზო მიმოსვლას არ შეაჩერებს, თუმცა ერთი წუთით წარმოვიდგინოთ, რომ ევრობიუროკრატებმა მუქარა აასრულეს და ვიზალიბერალიზაცია შეგვიჩერეს. ხომ საინტერესოა, რა ეკონომიკური შედეგი მოჰყვება ამას? ჰოდა, ირკვევა, რომ არავითარი უარყოფითი შედეგი ამ ფაქტს არ მოჰყვება. 

აშშ-ის მიერ ირანზე დარტყმების ახალი ტალღის შემდეგ, ირანმა ჰორმუზის სრუტე ყველა გემისთვის ჩაკეტა. ირანის რევოლუციის გუშაგთა კორპუსის საჰაერო ძალების მეთაური სეიედ მაჯიდ მუსავი აცხადებს, რომ თუ სრუტე დაუცველი გახდება, ირანი „რეგიონს ჯოჯოხეთად აქცევს". საპასუხოდ აშშ-ის პრეზიდენტმა დონალდ ტრამპმა განაცხადა, რომ ამერიკული არმია ახლო მომავალში დაიკავებს სრუტეში მდებარე სტრატეგიული მნიშვნელობის მქონე კუნძულ ხარგს და ირანის სანავთობი ინფრასტრუქტურის სხვა საკვანძო წერტილებს.

„ფედერალისტების" ერთ-ერთმა ლიდერმა თამარ ჩერგოლეიშვილმა 3 დღის წინ განაცხადა, რომ ოპოზიციის ალიანსის სიმბოლიკიდან მალე ამოიღებენ „ნაცმოძრაობის" ლოგოს, თუმცა ჯერჯერობით სიტუაცია უცვლელია - არც ენმ აპირებს ალიანსიდან გასვლას და არც ალიანსი - მის გარიცხვას. ანალიტიკოსი ვახტანგ ძაბირაძე მიიჩნევს, რომ ალიანსში ლიდერობისათვის „ჩუმი ბრძოლა" მიმდინარეობს.

რუსეთის თავდაცვის სამინისტრო ოკუპირებულ აფხაზეთში ჰარსაწინააღმდეგო თავდაცვის რუსული სტრუქტურებისთვის თნამშრომლებს ეძებს, კონტრაქტისთვის კი ერთჯერად სოლიდურ ფინანსურ ბონუსს და კომფორტულ ბინას სთავაზობს. მანამდე კი ოკუპირებული აფხაზეთის ე.წ. თავდაცვის სამინისტრომ საგანგებო განცხადება გააკეთა, რომ უკრაინული დრონები ხშირად არღვევენ „აფხაზეთის საჰაერო სივრცეს" და შესაბამისი ინსტრუქციაც კი გამოსცა, თუ როგორ მოიქცეს მოსახლეობა დრონების ფრაგმენტების აღმოჩენის შემთხვევაში.

პატიმრობაში მყოფი ექსპრეზიდენტი მიხეილ სააკაშვილი ენმ-ში „რევოლუციურ ცვლილებებს" აანონსებს. იგი ფუნდამენტურ განახლებაზე, პარტიაში ახალი ენერგიის შეტანასა და საზოგადოების ფართო ფენების ჩართულობაზე საუბრობს, ამ კონტექსტში კი განიხილავს ჟურნალისტ ნანუკა ჟორჟოლიანისა და მისი გუნდის ოფიციალურად გაწევრიანებას პარტიაში. ჟორჟოლიანი კიაცხადებს, რომ „საინტერესოს" წინადადება მიიღო და ახლა პარტიასთან მოლაპარაკებების ეტაპზეა.

მწერალი ბედნიერი ღიმილით იხსენებს ქუთაისის აკაკი წერეთლის სახელობის უნივერსიტეტში რამდენიმე წლის წინ წაკითხულ ლექცია-სემინარებს მოლეკულურ ბიოლოგიაში.

გამკაცრებული და თითქმის გაორმაგებული ჯარიმების ფონზე, ავტოსაგზაო შემთხვევების სტატისტიკა მაინც ყოველწლიურად მზარდი და შემზარავია. ერთია გახშირებული ავტოსაგზაო შემთხვევები და მეორე - მახრჩობელა ჯარიმები, რაც გამოსავალი ნამდვილად არ აღმოჩნდა. სწორედ ამიტომ, ხელისუფლებამ ჯარიმების შემცირება გადაწყვიტა, თუმცა სპეციალისტების აზრით, გამოსავალი არც ჯარიმების შემცირებაა. აუცილებელია, რომ კანონის აღსრულება დაიხვეწოს თანამედროვე ტექნოლოგიების საშუალებით და მართვის მოწმობის ქულათა სისტემა მიებას  ვიდეომონიტორინგის კამერებს. 

ჩინეთთან როგორც სავაჭრო-ეკონომიკური, ასევე პოლიტიკური  ურთიერთობები გაღრმავდება. დასავლეთის მოთხოვნას, რომ ქვეყნებს შორის ამ ტიპის ურთიერთობები შესუსტდეს, მთავრობა საპირისპირო ნაბიჯს დგამს. სპეციალისტების განცხადებით, ჩინეთთან ურთიერთობას აქვს ძალიან დიდი პერსპექტივა აბსოლუტურად ყველა მიმართულებით და ამ  მხრივ საქართველოს მთავრობის გადაწყვეტილება მნიშვნელოვანია ქვეყნის ეკონომიკისა და მთლიანად მოსახლეობისთვის. გრძელვადიან პერსპექტივაში ეკონომიკის სათანადოდ განვითარება  სწორედ ჩინეთთან თანამშრომლობით არის შესაძლებელი.

პრემიერ-მინისტრ ირაკლი კობახიძის განცხადებით, აშშ-სთან სტრატეგიული პარტნიორობა მხოლოდ ფორმალური ჩარჩო არ უნდა იყოს და რეალურ შინაარსს ორმხრივი სარგებელი და მკაფიო სამოქმედო გეგმა უნდა სძენდეს.

უკრაინა რუსეთის სამხედრო და ნავთობის ინდუსტრიის ობიექტებზე დარტყმებს აგრძელებს. ამასთან, უკრაინის პრეზიდენტი ვოლოდიმირ ზელენსკი შვედეთის პრემიერ-მინისტრ ულფ კრისტერსონს შეხვდა, რომლის დროსაც მათ სხვა საკითხებთან ერთად, „გრიპენის" მოიერიშე თვითმფრინავებთან დაკავშირებული შეთანხმების განხორციელების საკითხი განიხილეს.

11 ივნისს ბრიუსელში საქართველოსა და ევროკავშირის წარმომადგენლებს შორის სპეციალური სავიზო დიალოგი გაიმართება. შეხვედრა უკავშირდება ევროკავშირის მიერ ამოქმედებულ უვიზო რეჟიმის შეჩერების მექანიზმს დიპლომატიური და სამსახურებრივი პასპორტების მფლობელთათვის და მიზნად ისახავს საქართველოსგან განმარტებებისა და კონკრეტული ნაბიჯების მიღებას იმ საკითხებზე, რომლებიც ბრიუსელის შეფასებით პრობლემურად რჩება.

შესაძლოა, ირანთან შეთანხმება მომავალ კვირას ან რამდენიმე თვეში გაფორმდეს, - ამის შესახებ აშშ-ის ვიცე-პრეზიდენტმა, ჯეი დი ვენსმა „სი-ბი-ეს"- თან ინტერვიუში განაცხადა. „ვფიქრობ, შუალედურ არჩევნებამდე ბევრი რამ გვეცოდინება. შესაძლოა, შეთანხმება მომავალ კვირას შედგეს, ან დღეიდან რამდენიმე თვეში გაფორმდეს", - განაცხადა ჯეი დი ვენსმა. მისი თქმით, ვაშინგტონი შეთანხმებასთან „ახლოს არის".