„ლელო - ძლიერი საქართველოს" ლიდერების განცხადებებს ოპოზიციის იმ ნაწილის კრიტიკა მოჰყვა, რომლებიც ადგილობრივ არჩევნებს ბოიკოტს უცხადებენ. მათი განცხადებები კამპანიური ხასიათისაა და ძირითადად ემსახურება იმას, რომ „ლელო" არჩევნების ბოიკოტზე დაითანხმონ. ამის საპასუხოდ ლელოში აცხადებენ, რომ „ვერანაირი ისტერიკა და ზეწოლის მცდელობა ვერ იქნება ჯანსაღი საუბრის და გამარჯვების ფორმულის შემუშავების შემაფერხებელი".

ბოლო დღეებში უკრაინის დაზვერვამ დივერსიების ერია მოაწყო, რომელიც კრემლს დიდ მატერიალურ ზარალთან ერთად, სერიოზულ იმიჯურ დარტყმასაც აყენებს. ასეთი იყო სარკინიგზო ხიდების აფეთქება კურსკსა და ბრიანსკში შემდეგ ოპერაცია „ობობას ქსელი" და ბოლოს აფეთქება ყირიმის ხიდზე. სამხედრო ანალიტიკოსები ამგვარ გააქტიურებას სხვადასხვა მიზეზს უკავშირებენ და „რეზონანსთან" აცხადებენ, რომ შესაძლოა ამ ვითარებამ მოსკოვი აიძულოს ცეცხლის შეწვეტის შეთანხმებას დათანხმდეს, ან პირიქით - თავადაც გააძლიეროს საპასუხო დარტყმები.

სუპერმარკეტებში პროდუქციის მოსახვედრად ბევრი სხვადასხვა სახის გადასახადია დაწესებული. ეს გარემოება კი ადგილობრივი წარმოებისთვის შემაფერხებელი ფაქტორია. ამიტომ ეკონომისტები მიიჩნევენ, რომ სამამულო პროდუქციისთვის საშეღავათო პირობები უნდა მოქმედებდეს. 

აფხაზეთის დე ფაქტო უსაფრთხოების სამსახურის თანამშრომლებმა ოკუპირებული რეგიონიდან რუსეთის მოქალაქე და ეთნიკურად ქარველი 63 წლის ოთარ კობახიძე გააძევეს. მიზეზი ისაა, რომ კობახიძე აფხაზეთიდან დევნილია, რამდენიმე დღის წინ რუსული პასპორტით თავის ქალიშვილთან ერთად სოხუმში ჩავიდა, მშობლიური სახლი მოინახულა და შესაბამისი ვიდეო სოციალურ ქსელში ატვირთა.

სომხეთის ხელისუფლებასა და ეკლესიას შორის ურთიერთობა უკიდურესად გამწვავდა და სერიოზული კონფლიქტის ზღვარზეა. პრემიერ-მინისტრი ნიკოლ ფაშინიანი ღიად მიანიშნებს, რომ ყოველთა სომეხთა კათოლიკოსმა გარეგინ II -მ თანამდებობა უნდა დატოვოს, სომხურ ეკლესიაში წმენდა ჩატარდეს და საეკლესიო კანონმდებლობა ისე შეიცვალოს, რომ ახალი კათოლიკოსის არჩევისას სახელმწიფოს გადამწყვეტი ხმა ჰქონდეს.

„ქართული ოცნება“ „ფორმულას“, „ტვ პირველსა“ და „მთავარ არხს“ კომუნიკაციების კომისიაში უჩივის და მათი პასუხისმგებლობის დაკისრებას ითხოვს. მიზეზი ამ მედიასაშუალებების მიერ ისეთი შეფასებებისა და ტერმინების გამოყენებაა, როგორიცაა „არალეგიტიმური პარლამენტი“, „ოლიგარქის დეპუტატი“, „კლანის მოსამართლე“ და სხვა. მმართველი პარტიის შეფასებით, ეს მაუწყებლობის შესახებ კანონის ახალ ნორმებს არღვევს. 

სამთო და სამკურნალო ტურიზმი გამოწვევების წინაშეა. ჯავშნებმა ამ ეტაპისთვის დაახლოებით10-12%-ით იკლო. თუმცა მიდგომა საკმაოდ სპეციფიკურია და სურათი არაერთგვაროვანი. შემცირდა დღიური გადასახადი, იმატა დაბალბიუჯეტურმა ტურისტების რიცხვმა.

სტამბოლში რუსეთ-უკრაინის მოლაპარაკებების მეორე რაუნდი დასრულდა. მხარეებმა პატიმრების გაცვლის საკითხი განიხილეს. ასევე, გავრცელებული ინფორმაციით, შეხვედრაზე რუსეთმა უკრაინულ მხარეს თავისი მოთხოვნები გააცნო, კიევს ერთი კვირა დასჭირდება დოკუმენტის შესასწავლად და შემდგომი ნაბიჯების გადასაწყვეტად.

"უცხოური აგენტების რეგისტრაციის აქტი" უკვე ძალაშია და მის აღსრულებას ანტიკორუფციული ბიურო უზრუნველყოფს. "ოცნება" არასამთავრობო და მედიაორგანოზაციებს კანონის დამორჩილებისკენ მოუწოდებს, წინააღმდეგ შემთხვევაში, პასუხისმგებლობა "ზუსტად ისეთი იქნება როგორიც აშშ-ში".

ავტოსაგზაო შემთხვევების დროს დაღუპულთა შორის ყოველი მეორე ფეხით მოსიარულეა. მძიმე სტატისტიკა დიდწილად გამოწვეულია იმით, რომ მოქალაქეები საგზაო უსაფრთხოების წესებს არ იცავენ და შესაბამისი განათლებაც აკლიათ. დარგის სპეციალისტები კანონის გამკაცრებას ითხოვენ. მართალია ფეხით მოსიარულეთათვის კანონდარღვევის შემთხვევაში გარკვეული სანქციები გათვალისწინებულია, მაგრამ აღსრულების კუთხით პრობლემაა. საბოლოოდ კი ადამიანები იღუპებიან, რისი მიზეზიც უამრავ შემთხვევაში გზის სავალ ნაწილზე მოქალაქეების დაუდევარი გადაადგილებაა.

რუსეთი შავ ზღვაში ახალ საყრდენ წერტილს იმყარებს - აფხაზეთის დე ფაქტო პრეზიდენტმა რუსეთის საზღვაო ძალების შავი ზღვის ფლოტისთვის მატერიალურ-ტექნიკური ბაზის შექმნის გეგმების შესახებ ისაუბრა. ექსპერტები საფრთხეზე საუბრობენ: კრემლი ცდილობს, რეგიონში დაკარგული გავლენა სამხედრო მექანიზმებით აღიდგინოს, ექსპერტების თქმით, აშშ შავიზღვისპირეთის ამ ნაწილს არ დათმობს.

მიმოქცევაში  შესვლიდან 30 წლის განმავლობაში საქართველოს ეროვნულმა ვალუტამ არაერთ გამოწვევას გაუძლო, გადალახა მკვეთრი გაუფასურების პერიოდიც, რამდენიმე დიდი რყევა და დღეს დაახლოებით იმ ნიშნულზეა, როცა მისი სტაბილურობის დიაპაზონი მიღწეულია. საპარლამენტო არჩევნების შემდეგ და მიმდინარე პერიოდშიც მკვერი ცვლილება აღარ ფიქსირდება. მართალია, ამას სხვადასხვა  ფაქტორი განაპირობებს, თუმცა მთავარია, რომ ლარმა პოლიტიკური დაძაბულობას საკმაოდ ადვილად გაუძლო.