პირველად, მაისის შემდეგ, ბიტკოინის ფასმა 75 ათას დოლარს გადააჭარბა. ამის შესახებ Binance-ის უახლესი მონაცემები მოწმობს. ბოლო 24 საათის განმავლობაში ციფრული ვალუტა თითქმის 12%-ით გაძვირდა. თბილისის დროით 18:00 საათზე, მისი ღირებულება 77 235 დოლარს შეადგენს.

ბიტკოინის ფასის ზრდა აშშ-ის სახაზინო ობლიგაციების უკუგამოსყიდვით აიხსნება, რამაც გაზარდა ბაზრის ლიკვიდურობა.

კერძოდ კი, აშშ-ის ხაზინამ გამოაცხადა გრძელვადიანი ობლიგაციების უკან გამოსყიდვის გეგმები შემოსავლიანობის მკვეთრი ზრდის შესამცირებლად, რითაც შემოიტანეს ლიკვიდურობის ტალღა, რაც ისტორიული მონაცემებით, მნიშვნელოვნად სარგებელს მოუტანს ისეთ რისკის შემცველ აქტივებს, როგორიცაა ბიტკოინი.

ასევე, ერთ-ერთ მიზეზად სახელდება პრეზიდენტ ტრამპის მიერ ორგანიზებული თეთრ სახლში გამართული კრიპტო სამიტი, სადაც ის შეხვდა ციფრული აქტივების წამყვან ლიდერებს.

თუმცა, აღსანიშნავია, რომ ზრდა მხოლოდ ბიტკოინით არ შემოიფარგლებოდა. ეთერიუმმა (ETH) 24 საათში 17.8%-ით მოიმატა და 2,291 დოლარი გახდა. XRP დღის განმავლობაში 20.4%-ით გაძვირდა და 1.25 დოლარი შეადგინა, ხოლო Hyperliquid-მა (HYPE) ძირითად ტოკენებს შორის ყველაზე მკვეთრი ზრდა დააფიქსირა, 22.6%-ით გაიზარდა და 72.18 დოლარი გახდა. Solana-მ (SOL) 10.3%-ით მოიმატა და 86.83 დოლარი შეადგინა, ხოლო BNB-მ 6.2%-ით მოიმატა და 645.00 გახდა Dogecoin-მა (DOGE) 11.2%-ით მოიმატა და მისი ღირებულება 0.07883 გახდა.