2026 წლის მეორე კვარტალში, საქართველოს ნავსადგურებში და ტერმინალებში 461 გემი შემოვიდა - ამის შესახებ სტატისტიკის ეროვნული სამსახურის მონაცემებშია აღნიშნული. „საქსტატის“ ცნობითვე, შემოსული გემების 47.3% იყო გენერალური (ზოგადი სახის) ტვირთის გადამზიდი, 24.9 პროცენტი - თხევადი ტვირთმზიდი, 19.3% - კონტეინერმზიდი, ხოლო დანაჩენი 8.5% - ნაყარ ტვირთმზიდზე და სპეციალიზებულ გემებზე განაწილდა.

„2026 წლის მეორე კვარტალში, წინა წლის შესაბამის პერიოდთან შედარებით, საქართველოს ნავსადგურებმა და ტერმინალებმა 39.1%-ით მეტი ნაყარი ტვირთმზიდი მიიღო, 34.8%-ით მეტი - კონტეინერმზიდი, 17.3%-ით მეტი - თხევადი ტვირთმზიდი, 2.3%-ით მეტი - გენერალური (ზოგადი სახის) ტვირთმზიდი გემი, სპეციალიზებული კი - 65%-ით ნაკლები.

საანგარიშო პერიოდში საქართველოს ნავსადგურებში და ტერმინალებში შემოსული გემების 19.1 პანამის დროშის ქვეშ დაცურავდა, 15.2% - თურქეთის, 11.3% - ლიბერიის, 7.2% - მალტის, დანარჩენი 47.3% კი სხვა ქვეყნებზე განაწილდა.

2026 წლის მეორე კვარტალში საქართველოს ნავსადგურები 4.7 ათას მგზავრს მოემსახურა, რაც 54.5%-ით მეტია წინა წლის შესაბამისი პერიოდის მაჩვენებელზე. ამასთან, მგზავრთა ნაკადში გასული მგზავრების წილი აღემატებოდა შემოსული მგზავრების წილს და 53.2%-ს შეადგენდა.

ამავე პერიოდში საქართველოს ნავსადგურებმა და ტერმინალებმა 5.364 მლნ ტონა ტვირთი გადაამუშავა, რაც 33.0%-ით მეტია წინა წლის შესაბამისი პერიოდის მაჩვენებელზე. გადამუშავებული ტვირთის 47.8% გენერალური (ზოგადი სახის) ტვირთი იყო, 30.5% - თხევადი ტვირთი, ხოლო 21.7% - ნაყარი ტვირთი“, - ნათქვამია სტატისტიკის ეროვნული სამსახურის მონაცემებში.